بسم الله ...

ازيكم ياجماعه ...

اقر الكلام بعدين قول رايك مش عاوز منك غير كدا ..:sadd:

صلو على نبي ...

تعرف الفرق بينا التعود على انسان او الراحه لي انسان .. او الحب لي انسان ...مهما كان الانسان ده ... لو سبت الانسان الي اتعود عليه يجليك يوم وهتسنى الانسان ده بس هتتعب شويه اول ماتسبو ... الراحه لي انسان بعدين حصل فراق .. مش هتتعب اوي بس هيكون في بالك وتنمى انو يرجع تاني ... ام الحب لي انسان .. ده حاجة عظيمه ممكن يفضل في قلبك طول العمر .. وصوته ديما حواليك .... ليه اول ما اقول الحب ... نتفكر بنت وولد .. ليه مش امك ؟؟ ليه مش اختك ؟؟ ليه مش اخوك او صحبك في شغلك او في مدرسه ؟؟





ياجماعه لو حبينا بعض بجد والله هنبقى احسن شعب قي الكره الارضيه ... ده احنا شعب والله زي العسل وبينسى التعب مهما كان ... عارف ان حياة صعبه بس لو لقيت شحات في شارع اديلو جنيه .. هو مش عاوز ميه جنيه ... هو عاوز اي حاجة عشان ياكل او عشان يعرف ينام ... الست ومعاها اولادها .. عاوزه لبس يكون بس يدفي اولادها في عز برد ... في شباب بيعملو شقه وفرح وشبكه وحورات دي ... معلش يعني لو شحات اخد منك جنيه ؟؟ مش هتعرف تجيب الخلاط مثلا ؟؟ ... انا عاوز اوصل حاجة بس ... ليه مش تحب كل الي حواليك وتثق فيهم .... بلاش تمير حد على تاني .. بس اكيد كل واحد بتحبو بطريقه وشكل تاني ... فكرت يوم من الايام لما تموت مين هيدعليك ويقول الله يرحمه .... احسب معايا كدا بعد شر طبعا .. لما تموت كام واحد هيدعليك عشان بيحبك بجد ... وكام واحد هيدعليك عشان انت مت ... على فكره تفرق جدا جدا جدا ... لو واحد جارك مات اكيد هتدعيلو ..مره مرتين تلاته ... بس لو حد بتحبو بجد ومات هتعمل ايه ..؟؟ انا عن نفسي مستعد طول حياتي ادعيلو وعمري ما انساه ...ياجماعه فكرو بجد مصر ام الدنيا ... والله العظيم مصر ام الدنيا مش بي اهرامات ولا النيل .. بي اهلهااااااا .. الي عايش في غربه بجد عمره ماضحك من قلبو ... عمره مافرح من قلبو ... لما تكون وسط ناسك واهلك في مصر وتضحك والله بتكون من قلبك ودي كفايه ..انا كلامي ده دعوه للناس كلها عشان نحب بعض بجد .. بلاش بقا كلام مسلم ومسحيي اهلاوي وزمالكوي وبيحب تامر او عمرو


.. دلوقتي كل الكلام على اي قناة تفتحها ... احنا المصريين احنا الي حاربنا وعملنا كدا وكدا .. احنا الي عملنا ثورة ... طيب خلاص والله عرفنا وفرحانين كمان .. بس فين الشغل .. عاوزين نغير بلد دي بقا .. لازم يكون في وقفه عشان السفاره اسرئيل تطلع بره مصر خالص ... الزاي عاوزين مصر تبقى احسن بلد في الدنيا وجوها شيطان ... الزاي ؟؟؟ .. الحرامي بقا حرامي عشان مرتب الحكومه 300 جنيه !!! ده والله لو نزل واقعد قدام مسجد عشان يشحت والله ممكن يخاد اكتر من كدا ... انا عارف كلامي مش مترتب بس كلامي بجد من قلبي ... كل واحد بيدا من نفسه .. يغير من نفسه عشان بلد ... ماتقولش يعني انا لو عملت كدا مصر هتبقى جنه .... انت لو عملت كدا على الاقل تكون حاولت تغير حاجة ...حب صحبك بجد واوعى تبيع واحد صحبك عشان اي حاجة ... بلاش تسنى اهلك لما تتجوز ... وبلاش برضو تنسى مراتك لما تخرج مع اصحابك .. بلاش تضحك على بنت اعجبت بيها على جروب او شارع ... كما تدين تدان .. لو عملت حاجة وحشه في بنت هتحصل في اختك او امك .. يطلع واحد زكي هيقولك انا ماعنديش اخوات وامي ماتت .. هتتعمل في مراتك لما تتجوز هيقولك مش هتجوز ... قولو في حساب يوم القيامه وفي ربنا .. . ياجماعه والله العظيم نقدر نعمل حاجات كتيره جدا ... والله نقدر .. معلش لو طولت عليكم بس بجد انا مضايق عشان في شعب زي كدا ومش عارفين نعمل اي حاجة نتفع او تفرح لمده طويله ... بلاش كل واحد يقول اهم حاجة نفسي .. ليه مش نقول اهم حاجة اهلي وناسي واصحابي ... مهما لما يكونو جنبك اكيد هتكون فرحان ومسبوط ... قولو يارب ... وسلامو عليكو





منقول