أنساك ؟ أم كلثوم
أنساك .. دا كلام
أنساك .. يا سلام
أهو دا اللي مش ممكن أبدا
ولا أفكر فيه أبدًا
دا مستحيل
قلبي يميل
ويحب يوم غيرك أبدًا
أهو دا اللي مش ممكن أبدًا
ولا ليله ولا يوم
أنا دقت النوم
أيام حبك
كان قلبك فين
وحنانك فين
كان فين قلبك
أنا أنسى جفاك
وعذابي معاك
ما نساش حبك
أنساك .. دا كلام
أنساك .. يا سلام
واحب تاني ليه
واعمل في حبك إيه
ذكريات حبي وحبك ما انساهاش
هي أيامي اللي قلبي فيها عاش
فيها أحلامي قلتها وحققتها لي
فيها أحلامي لسه أنا ما قلتهاش
اللي فات من عمري كان لك من زمان
واللي باقي منه جاي لك له أوان
واحب تاني ليه واعمل في حبك إيه
دا مستحيل قلبي يميل ويحب يوم غيرك أبدًا
أهو دا اللي مش ممكن أبدًا
كان لك معايا
أجمل حكايه
في العمر كله
سنين بحالها
ما فات جمالها
على حب قبله
سنين ومرت .. زي الثواني .. في حبك انت
وان كنت أقدر .. أحب تانى .. هاحبك انت
كل العواطف الحلوه بينا
كانت معانا حتى في خصامنا
وازاي تقول أنساك واتحول
وانا حبي لك أكتر من الأول
واحب تاني ليه
واعمل في حبك إيه
دا مستحيل قلبي يميل ويحب يوم غيرك أبدًا
أهو دا اللي مش ممكن أبدًا
رد مع اقتباس
المفضلات