ياغايب عنـــــــى

[خلود]

ياغايب عني إيه مالك؟

شغلت القلب على حالك

أتاريني بأفكر فيك

وأنا مش جاي على بالك

ياواعد قلبي برجوعك

تعالى إشكيلي موجوعك

تعالى إبكي على كتفي

وغرَّق خدي بدموعك

ساعات عدت ومش باين

كأني عليك خلاص هاين

سايبني في بحر أنا لوحدي

لا مركب فيه ولا سفاين

ماددلك إيدي مد إيديك

بلاش تمشي الطريق وحديك

سوا ممكن نروح بكره

وتلقاني هناك وألاقيك

[fagrmasr01]

ساعات عدت ومش باين
كأني عليك خلاص هاين
سايبني في بحر أنا لوحدي
لا مركب فيه ولا سفاين
ماددلك إيدي مد إيديك
بلاش تمشي الطريق وحديك
سوا ممكن نروح بكره
وتلقاني هناك وألاقيك

طبعا روعة جدا ..
ياترى اسمه ايه الشاعر الجميل الممتع دا يا رائعة المنتدى
تسلم ايدين الشاعر
وتسلم لنا ايدك على تغذيتنا بالشعر الجميل يا خلود

[اميرة حبى انا]

جميلة اوى واجمل ما فيها التعبير ببساطة ويسر

[خلود]

اشكرك جمال على ردك الجميل

والشاعر ده سبق ونزلت له اكتر من قصيده مع تعريف له

الشاعر هو عصام علم الدين

[خلود]

شكرا اميره وفعلا كلماتها بسيطه جدا وجميله جدا