-- ياترى كام واحد فينا بيحب مصر؟؟
السلام عليكم
ممكن سؤال قبل أى كلمه
هو انتوا مش حاسين
زى مانا حاسس ان احنا بنظلم مصر؟
حقيقى الاحساس ده مسيطر عليا اوى
الفتره اللى فاتت دى كلنا بجد بنظلم مصر
لان احنا سايبن مصر واستقرارها وبناكل فى بعض
وبنيجى على بعض عشان خاطر
أفرررررررررراد
كلنا بقينا نعمل دعايات ..كلنا بنبرر مواقف ناااس كلنا كنا بنعارض ولما جات المصلحه لاطراف معينه
اتخلينا عن موقفنا ومبدأنا عشان خاطر المصلحه للاطراف دى
كلنا بنحاول نشوه صورة ناس تانيه برضه لمصلحة ناس
وناسين البلد واستقراها
متأكد ان فى ناس كتيرر هتزعل من كلامى .. بس فكروا فيه وانتوا واخدين منى موقف
فكروا بجد حسوها بالله عليكم وجعى على بلدى قبل اى حد .
فكروا فى الشعب المظلوم اللى ملوش ذنب فى كل المصالح
كفايه بقى عشنا 30 سنه ظلم وفقر وجهل وتخلف ومرض وبطاله
كفايه علينا مبقناش نستحمل اللى احنا فيه .صدقونى مش هنسمح
لاى حد تانى او اى نظام مهما كان قوته يعمل فينا كده
لان الشباب الحر الجدع ده اللى خلع نظام مبارك مش هيسمح
لحد تانى يعمل فيه كده مهما كان
بجد حاجه تخلى الواحد حزين اوى
هو احنا ليه بقينا كده ؟
مكنش فى حد نهائى واقف جمبنا كشباب بيتحرق دمنا واحنا بنصرخ وبنقول بلدنا
الحقووووووووونا
يابتوع السياسه ياكباررررررررر
الحقووووووووووونا
ياكباار يابتوع الاحززززززاب
الحقووووووووونا
يااااواصلين ومعروفين ومشهورين
الحقووووووووونا
ياامتجمممممعين احنا بنموت من يوم 25
الحقوووووووووونا
يالى بتتكلموا باسم الاديان اللى خلقها ربنا
ولا كان حد سامع صوتنا كان اضعف الايمان مسيطر عليهم طول وقتهمم
ولما نزلنا الشارع وقررنا ندافع عن بلدنا كشباب فقط
وقررنا نجيب حق بلدنا ونحرر بلدنا عشان تعبنا بقى من الظلم
اللى همااااا غموا عنيهم عنيهم عنه كلهم بلا أستثناء
ظهروا فى الصوره وبقوا هما الابطال اللى بيدافعوا عن البلد
اللى عاوزين مصلحة البلد .. اللى كانوا بيموتوا نفسهمم
وللاسف احنا بقينا كشباب انا وانت وانتى وانت وانتم مش فى الصوره
والمصيبه الاكبر ان احنا سمحنالهم وبنساعدهم يسحبوا السجاده من تحت رجلنا
وبنتفرج عليهم وبنساعدهمم على كده . بجد حاجه تخلى الواحد حزين
كله بياكل فى بعضه وكله بيهين فى بعضه ومعدش فى احترام اراء
معدش فيه حد بيحترم حد
هى دى الديمقراطيه اللى احنا بنطالب بيها ؟؟
هو ده اللى نزلنا عشانه لما قررنا نجيب حق ولادنا واخواتنا؟
لما قررنا نجيب حق خالد واللى زيه ؟؟
ليه كده ياجماعه نسينا الهدف الاساسى اللى هو مصرر
وبدأنا فى الاعلانات والحاجات دى كلها بدرى ؟؟
بدل مانحاول نساعد نشوف افكار
نوقف بلدنا على رجليها
نساعد باى فكره باى حاجه
نوعى الناس
ليه ياجماعه احنا موافقين على كده بندافع ونهاجم فى اشخاص
وناسين
مصر
وناسين واجب بلدنا علينا ؟؟
بجد حاجه تزعل
اتمنى الجميع يراجع نفسه
ويفكر مليون خطوه
قبل ماياخد خطوه يفكر
فى مصرر بس بجد
بعيد عن اى اطراف معينه
مصر والله العظيم ياجماعه
اهم من اى حد فى الدنيا
مهما كان اسمه ومهما كان هو مين
مصر بجد اهمم
لان ده مستقبلنا ومستقبل ولادنا
تحياتى
مصرى خايف على بلده
المفضلات