وماذا بعد التنحى؟؟

**خلود** · 12-02-2011, 01:13 AM

للاسف وقبل قليل قام الرئيس المصرى محمد حسنى مبارك

بالتنحى عن منصب رئاسة الجمهورية

دى حاجة بقت واقع وبصراحة الراجل شاف كتير اوى من اللى اتقال عليه

ده موش موضوعنا

وموش هنتكلم فيه تانى

بس عمرى ما هنساك ولا انا ولا 80 مليون مصرى بيحبوك وبيحبوا استقرار البلد

دلوقتى سؤالى

وماذا بعد الرحيل!!!!!

هل سيقوم المعتصمون والمتظاهرون فى ميدان التحرير بالذهاب الى منازلهم واعمالهم والى كلياتهم ومدارسهم؟؟

يا ترا متى سيتم عمل انتخابات رئاسية فى مصر؟

يا ترا مصر بعد مبارك هتبقى قبل مبارك؟؟

يا ترا ايه اخرة فرحتكم دى؟؟

يا ترا هيبقى فى فرص عمل للشباب؟؟

يا ترا هيبقى فيه عدل؟؟

يا ترا موش هيكون فيه فساد؟؟

ما اظنش

يا ترا فى اجابات لاسئلتى سالتوها لنفسكم؟؟؟؟

اااااااااااااااه و10000000000000000 ااااااااااااااااه عليكى يا مصر

**اميرة حبى انا** · 12-02-2011, 01:27 AM

ربنا لوحده اللى عالم باللى جاى
بس ياخوفى ليجى يوم والناس تتمنى 10 زى مبارك يجوا تانى
عموما
ربنا يستر
ومافيش غير الانتظار

**lionking** · 13-02-2011, 12:44 AM

لا حول ولا قوة الا بالله العلى العظيم

يا بنتى الدنيا هترجع حلوة زى زماااااااااااااااااااان

الرئيس المخلوع كان مبوظ البلد وخاربها

اصحى شوية بئه يا خلود وفوقى وبصى حواليكى

كل الفضايح هتبان تباعااااااااااااااااااااااااااااااااااااا

وكل واحد لما يمسك مكان ويعرف ان عليه رقيب وهيتحاسب صدقينى هيخااااااااف

لكن الرئيس المخلوع كان مخليها ميغة ,,,, فتة ,,, ولا حساب ولا بطيخ

اصحى يا خلود الثورة نجحت وانتى طبعا ضد الثورة بس معلش الثورة نجحت وانتصر الشعب وان شاء الله اللى جاى احسن واحلى بس مش تدورى عليه بكرة ولا بعده

الرئيس اللى هييجى جديد ده هيكون ماسك خراااااااااااابة وبلد كلها فساد وبوظاااااان

يعنى لازم نصبر زى ما صبرنا على الرئيس المخلوع 30 سنة

بس الميزة ان شاء الله فى الجديد ان هيكون له فترة رئاسة محددة وانتخابات نزيهة ومفيش بلطجة وكلنا هننزل ننتخب

ده طبعا بعد ما نقرأ ونعرف كل حاجة الاول

يلا بئه اصحى يا خلووووووووووود

وتعالى هيصى وشوفى الفرحة اللى فى الشوارع

مش معقول الملايين دى وتقولى ال 80 مليون زعلانين

**haneen** · 13-02-2011, 09:35 PM

Lionkong: صح لسانك والله

اصل احنا عيزين كل حاجة تجيلنا على الجاهز من غير ما نتعب فيها
ارتضينا الذل والهوان وزعلانين اوي ان ربنا تاب علينا منه ورزقنا العزة بعد الذل
احنا لازم كلنا نعرف ان لكل واحد فينا دور في بناء مصر من تاني وكلنا مستعدين وجمال الانجازات الجية انها هتكون مبنية على ادينا
لازم نتحمل شوية صعوبة لحد ما ربنا يفرجها وهيفرجها من وسسسسسسسع باذن الله

الا مش عايز يفوق خليه بجد ده هينعكس على نفسيته وحياته ومش هيتقدم بالعكس هيتأخر
الا يشوف فرحة واحتفالات كل الدول العربية والاوروبية كمان ميصدقش ان ده كان بني ادم اصلا
يتشدقون بانه ابونا هو في اب يخلي ولاده يقتلوا بعض في اب يسرق ولاده في اب يبقى عميل في اب يستعدي كل الدول على ولاده في اب يستدعي الجيش ال3 الميداني
ويؤمرهم بسحق المتظاهرين بالدبابات يا عالم الا ميشوفش من الغربال يبقى اعمى
لو ليا اب زي ده متهيألي حلال قتله

بذمتكم مش تنحي المخفي ده قبل مولد النبي وعيد الحب مش اكبر دليل على اننا على الطريق الصح؟ وان ربنا وفقنا بجد؟
خلونا نفرح بقى ويا ريت الا لسة بيولولا يبطلوا ولولة عشان حقيقي شكلهم وحش قوي في عز الفرحة دي
ربنا يديم على مصر الافراح