اتمني تقروا كلامي للاخر كلام هقوله من باب الفضفضه مش اكتر بالرغم اني في وقت عصيب مش قادر اعبر فيه بالكلام حقيقي الكلام هرب مني علشان كدا سامحوني لاني هتكلم كاني بفكر بصوت عالي لاني في حاله وحشه جداً ،انا شاب مصري شفت الويل في بلدي وكرهت الفساد كان كل املي اني اشوف بلدي بتتغير كان نفسي اشارك في تغييرها كمان كنت بتمنى اشوف فيها الديمقراطيه وسافرت واتغربت علشان اكل عيشي وبعد ما اتغربت حبي لمصر اتضاعف كل يوم واشتياقي للرجوع ليها زاد يوم بعد يوم لحد ما سمعت ان شباب مصر عاملين مظاهرات بيطالبوا بالتغيير انا بيني وبينكم فرحت وقلت كويس ولو اني عارف انه مش هيحصل حاجه كالعاده وبدأت الاحداث تسخن واسمع ان ناس بتموت وشويه والشرطه تنسحب وشويه كمان والمساجين هربوا والبلطجيه سرقوا في اللحظات دي حسيت انه في حاجه غريبه بتحصل وانه فيه حد بدء يلعب في البلد كل دهب يحصل والريس صامت مش بيقول حاجه بس انا ككنت متاكد انه بيعمل كتير من غير ما يتكلم لحد ما سمعت الخطاب الاخير اللى قاله الرئيس وسمعت كلماته اللى هزتني من جوا كلمات قطعت قلبي كلامه وهو ثابت بس رجليه مش شايلاه ريقه ناشف ومع ذلك بيتكلم قال كل اللى الشعب عايزه بس قال كلمه مختصره بس ليها معنى بعيد اوي قال انا هموت في البلد دي عارفين ليه قال كدا ؟ لانه ماعندوش مكان تاني يموت فيه لانه باختصار كان شوكه في ظهر كل الناس فاكيد ماحدش هيقبل يستقبله مش كدا وبس لانه كان من اهم اسباب تحرير البلد دي وبعد الخطاب سمعت واحده من شبابنا بتقول برده لا عايزينه يمشي دلوقت ساعتها فهمت حاجه كمان انه الموضوع مش تغيير الموضوع ذل لرجل قدم الكثير والكثير لنا وان الموضوع مش اراده شعبيه لا الموضوع وراه دوافع خارجيه علشان كدا انا بقول لوالدي ورئيسي وزعيمي سامحني يا والدي سامحني لاني ماقدرتش انزل الشارع وادافع عنك سامحني لانك شفت جحود من ولادك اللى انت كنت مقدم روحك على كفك علشانهم سامحني لان ولادك ردولك الجميل بالذل بعد كل العمر اللى انت قضيته معاهم مصممين يذلوك بس زي انت ما قولت التاريخ هيقول كتير اوي عليك وبكرا الناس دي تعرف قيمتك ، انا خلصت كلام