كلمات إهداء إلي والدي العزيز بعنوان ( أبويا)

**alsalhy** · 26-03-2009, 02:38 PM

في الوقت اللي الكل بيكتب فيه عن الأم
وعظمة الأم
لا بد أن لا ننسي فضل الأب
وما أدراكم ما فضل الأب
حفظ الله كل الأباء والأمهات من كل سوء
وبارك لنا فيهم وغفر لهم
اللهم أمين
إخواني الأعضاء إليكم هذه الكلمات
كتبتها إهداء لوالدي
بارك الله فيه وفي صحته
أتمني تعجبكم

*****
****
***
**
*
أبويا أغلي ما ليا
حياتي وعمري وعينايا
شايله حب كبير في قلبي
وده شيء واجب عليا
ابويا دنيتي وسندي
ف طبعه بحر حنيه
لو شفتم يا ناس طيبته
هتحسه الفرحه اللي فيا
بمعني الكلمة ابويا انسان
مش لاقي زيه حواليا
تتعجب لما تشوف كرمه
دا القرش عنده مالوش ديه
لو صادفك حظك وقابلته
هتحس بحاجة غريبة شويه
هتحس انه طبيعة جديدة
غير بشر الدنيا ديه
وقلبه طيب وروحة هادية
وعيونه لفروع الشر ابية
وحروف كلامه كمان موزونه
ومكانته بين الناس قوية
أكيد والله ربنا بيحبه
عشان دا مخلص صافي النيه
أبويا يا ناس بحبه موت
يارب احميه وخليه ليا

من كلماتي
أخوكم
alsalhy

**fagrmasr01** · 26-03-2009, 04:06 PM

يقول المولى عز وجل فى محكم التنزيل
بسم الله الرحمن الرحيم
( أن اشكر لى ولوالديك الىَّ المصير )
صدق الله العظيم

وان كان فضل الأم عن الأب بالتقديم عنه فى كثير من الحالات إلا أنه سبحانه وتعالى ربط شكرهما بشكره جل فى علاه

جميلة اوى كلماتك يا اخى الصالحى وفيها تعبيرات صادقة جميلة
الله ينور عليك يا شاعر