|
|
|
|---|---|
|
|
|
|
|
اوعى تصدقى
اوعى تصدقى يا حبيبتى انى ممكن يوم ابيعك
لو جابوا برد ليالى الشتا بدلوها لى مكان ربيعك
عمرى ما هعرف انساكى
ولا روحى تقدر تسلاكى
يالى الفؤاد داب ف هواكى
وروحى سكونها ف رضاكى
القلب تفرح دقاته
اللحن تكمل نغماته
بقربك ياحب حياته
ودك هناه وابتساماته
انتى جزء منى وانا جزء منك ، لا لا لأ جميعك
يا ام الضفاير ذهب مكسية توللى حرير
يا ام الغناوى عجب يامعطرة الأسـاطير
عاشق بعين المحب وعشقى ليكى سفير
ولو يحكمونى انا هخدك على جناحى واطير
لو كل الدنيا دى تنسى احلام الحب ف يوم
كان قلبى يقدر ينسى حبك ويعيش محروم
رد: اوعى تصدقى
ايه الشعر الجميل ده
ربنا يخليك لينا
وتنعشلنا مشعرنا ديما
رد: اوعى تصدقى
الف شكر يا لاف لورن على مرورك الكريم وتشجيعك الطيب
شكراً جزيلاً
جمال
رد: اوعى تصدقى
الكلام جميل تسلم ا يدك
لكن عجبنى الكلام عن الشعر والضفاير
ياترى الشعر ده طبيعى
رد: اوعى تصدقى
ألف شكر يا أم الاء على تشجيعك الجميل الطيب
وشعرها الذهبى طبيعى طبعاً .. طبيعى جداً
المشكلة اللى بجد يا أم الاء إنى بحبها جداً
مع إنها مش مراتى أم أولادى
لكن حبها حلال والله العظيم
وعشان كده باتغزل فيها فى كل وقت
لانى باعشقها عشق غير طبيعى
والناس كلها عارفين اسم حبيبتى
وحضرتك أكيد عارفة إسمها من خلال أشعارى السابقة
لأنى كتبت عن حبها كتير اوى
طبعا عارفة .. صح؟
مفيش حد ميعرفش اسم معشوقتى ومحبوبتى
مصر
ربنا يحرسها ويحمى ولادها
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
موقع مدينة 6 أكتوبر - منتدى مدينة 6 أكتوبر - عقارات مصر -دليل شركات 6 أكتوبر - دليل المواقع - القرآن الكريم - ألعاب أون لاين
الحج والعمرة -هل تعلم ؟ - السيرة النبوية -مركز تحميل الصور والملفات -توبيكات مميزة - أذكار المسلم اليومية - مكتبة الكتب - رمضان كريم - مطبخ لكل الناس
برعاية المصرية للانظمة الرقمية والخدمات المتكاملة ECDS
رد مع اقتباس
المفضلات