لو حتى ساكنة فى القمر
لو حتى ساكنة فى القمر * * هطلع عشانك كل يوم
لو جنس غير جنس البشر * * ح اشق لك كل الغيوم
حبك فى وجدانى انتشـر * * وحتى عينى هجرها النوم
جايلك بقلبى الى انكسر * * ودواه الوحيد وصلك يدوم
باناجيك بقلبى وانت هناااك
ياقلب المحبة انا راحل وراك
روحى تهيم بك قلبى فداك
وباتمنى اعيش العمر معاك
عارف انك ساكن بعيد
بعيد بعيد هناك وحيد
قلبى معاك تايه شريد
لكن معاك قلبى سعيد
أنا عارف ان بناجى المستحيل
لكن اعمل ايه وانا قلبى الدليل
ولحبك انت نبض الهوى بيميل
وانت مالك نبضتى انت الخليل
هجرة يوماتى فى كل صبح وأمسيات
مع آهاتى بنطلع لك على سلم آهات
آه ياللى كل عشقى ليك م الذكريات
آهات وحبك جوه باقى مهما العمر فات
آهة عذاب من شوقى ليك
وآهة وآهات تنده لى عليك
والف آهة لروحى عشق فيك
وآهات متشوقة لنظرة عينيك
وكل آهة بتطلع لك مشوار بين النجوم
وكل نبضة بتحلف لك انى حزين مهموم
وعشان متشعرش بألمى
وعشان متحزنش لهمى
بادارى جوه عينى دمعتها وأنا المحروم
واحولها لضحكة كذابة ورضا بالمقسوم
ودموعى جوايا بتكوى ضلوعى ونارها سعير
وانا بغزل لك م الشريان طرحة وفستان حرير
وقلبى مع الندم يحلفلك انه عذابه مش كتير
وروحى الهيمانة بحبك بتهيم بك جنبك بتطير
وبكل غالى بحلف لك ان قلبى نسى الى راح
وكل جوارحى بتتقطع وبضلوعى نيران وجراح
لكننى بيطيب خاطرى .. ان حياتك هنا وأفراح
يارب يسعد أوقاتك ابتساماتك ويا نور الانشراح
خليك فى القمر عايش ومستنى
يالى قلبك كله اتخلقتى حتة منى
يافرحة عمرى يا نور العين والننى
يارب تدوم فرحتك ولو بعذابى تتهنى
يارب تدوم فرحتك ولو بعذابى تتهنى
رد مع اقتباس
المفضلات