أيمن بهجت قمر و عمرو مصطفي والبحث عن الأهبل





حصلت إمبارح خناقة علي الفيس بوك بسبب فيديو لأحمد حرارة بين أيمن بهجت قمر وعمرو مصطفي ، وكان في فيديو انتشر علي الفيس بوك بيقول إن أحمد حرارة - اللي فقد عنيه الاتنين في احداث 28 يناير و 19 نوفمبر - بيقول إن أحمد بيضحك علي الناس وإنه مش أعمي، وده اللي كان بيروجله الفنان عمرو مصطفي، وده استفز الشاعر أيمن بهجت قمر


وقال علي صفحته بالفيس بوك : " انا شايف بعض الزملاء بيقولوا ان الفيديو ده بيثبت انه بيدعي العما وبيتريقوا انه خد 20 ألف جنيه! وده لو بره ماكانش هياخد قد كده أضعاف؟! وبعدين الاهبل اللي عامل الفيديو (اللهبل ده انا عارفه على فكره ) بقول له يا اهبل ياللي بتعايره انه خد ال20 ألف التعويض من الحكومه هو مش اكيد عملوا له كومسيون طبي ؟! وللا الحكومه والجيش بيعملوا أفلام هما كمان!! ده غير ان الحركه اللي حصلت في الفيديو ده حركه عاديه مافيهاش أي دلاله إنه بيشوف وخصوصا انه ماتولدش اعمى ده كان لسه بيشوف لحد قريب..اتقوا الله عندنا عيال ان بعض الظن اثم (يا اهبل يا اهبل يا اهبل) ".

فكان رد عمرو مصطفي عليه هو " رساله مني الي اثنين من الشعراء الاصدقاء وكنت اعتقد ان لديهم قلب انسان ولقد تعاملت معهم منذ ما يقرب من عشره سنوات وكنت اعتبرهم اخوات لي ولكن الان يصفوني بالهبل واخر يتمني ان افقد بصري ليتشفي في وذلك لاني اردت فقط ان اتآ كد بنفسي عن حقيقه احمد حراره ولكن في العشر سنوات الماضيه كنت اري الحقد والغل والغيره واكدب نفسي وكنت انجح معهم ومع غيرهم لاني كنت اتمني الخير لهم دون ان انتظر مقابل هذا الخير ولكني الان اشكر هذه النكسه لاني عرفت من الصديق الوفي ومن الصديق الحاقد وظهر حقده لمجرد انني ارادت ان اطبق شرع الله وهو اذا جاءكم فاسق بنبا فتبينوا......شكرا للنكسه ".

إيه رأيكم بقي ؟







منقول