نسمه محجوب: بابا هينتجلى ألبومى القادم بدل أيمن بهجت قمر



أعلنت نجمة ستار أكاديمي نسمة محجوب بإنها خلصت تسجيل أربع أغاني من ألبومها الجديد، وقالت إن الألبوم هيكون فيه 10 أغاني جديدة منها أغنية خليجي وأغنية بالإنجليزي، وإن والدها المخرج علاء محجوب هو اللي هينتج الألبوم بدل أيمن بهجت قمر اللي قال قبل كده إنه هينتج ألبوم نسمة وبعد كده رجع في كلامه.
وعلقت نسمة حوالين تراجع أيمن بهجت قمر وقالت إن الألبوم محتاج أمكانيات مادية عالية جداً فوق الميزانية اللي حطها أيمن بهجت قمر للألبوم وإن مفيش أي مشاكل بينها وبين قمر زي ما بتقول الأخبار.
وعن الألبوم قالت إنها هتستخدم التكنيك الأوبرالي في عدد من أغاني الألبوم، وبتتعاون في الألبوم مع عدد كبير من الشعراء زي أمير طعيمة ومحمد محى الدين، وهانى الصغير، ومع الملحنين خالد بكرى ومحمد الصاوى، ومحمد الطوخى، ومع الموزعين حازم رأفت ويحيى يوسف.
وقالت إنها هتصور أغنية من الألبوم فيديو كليب قبل ماينزل الألبوم للسوق وإنها لحد دلوقتي ما استقرتش علي الأغنية اللي هتصورها من الألبوم.








منقول