أهو مال القلب لهواكي


وهعيش العمر أستناكي


ولا يرضيني إلا رضاكي


ياأحلي ملاك


ياعشق حياتي ياقمرايا


يابلسم جروحي ودوايا


ياشمس منورة ف سمايا


والله بهواك


*****


الحب ايه غير هات وخد


وعيون تغازل وعيون ترد


يابو قلب طيب مليان ود


بشتاق إليك


أطلب ياغالي وأنا أديلك


لو حتي فين انا هجيلك


واللي طلبته يبقي ف إيدك


شبيك لبيك


*****


ظلم الأيام أهو ودعنا


وحياتي معاك بقي ليها معني


يابو أحلي كلام قول سمعنا


كلك إحساس


حتي الحاسدين بقوا معانا


وهواهم مال مع هوانا


علمهم شئ عاش جوانا


معني الإخلاص


*****


رفعت للسما إيديا


ودعيت ودمعي ف عنيه


يسلمك ربنا ليا


واتهني معاك


وآمن قلبي علي دعايا


يافرحة عمري وهنايا


مفيش أجمل منك غاية


ولا بعد رضاك


*****


كلمات عصام قمر






منقول