خواطر منوعة

...................



(1)

ياتري يابكرة مخبيلي ايه ويا حبيبي

لحد النهارده حلوين وانا راضي بنصيبي

لكن اللي عشقوا قبلي كلامهم مخوفني

حكاياتهم عن غدر الأيام والليالي شاغلني

رحت لحبيب القلب ضحك وطمني

قالي حبك حياتي والدم اللي فـ عروقي بيجري


************************************************** ******************************

(2)

أمانة يابحر الشوق إفرد شراع مراكبك ووديني

انول رضا حبيب القلب مشتاق الاقيه ويلاقيني

يانسمة يامتنسمة بريحة الغالي تعالي وإحييني

وإرجعي قوليله البعد جفا وإمتي بقي هيجيني

************************************************** ************************************************** *

(3)

ياحبيبتي تعالي خبيني

بطرف شالك غطيني

حضنك أماني من غدر أيامي

وقلبي بردان وقلبك يدفيني

*******************************************

(4)

قربك ياحبيبي رجايا ومنيتي

الدنيا دي للناس لكن إنت دنيتي

قلبي مركبة تايهة بتحدفها الأمواج

شفت أنا أد أيه لبرك فـ إحتياج

********************************************

(5)

حبيب قلبي الله يخليك

إفتح للهوي الشبابيك

كلام الناس ما لوش معني

والخوف منهم ياما ضيعنا

متخافشي وقولي ايه يرضيك

******************************************
كلمات عصام قمر