-- نسمة هوا حلوة كلمات عصام قمر
نسمة هوا حلوة شايلة عبير حرية
هبت من ميدان إسمه رمز للحرية
متعطرة بدم شهداء شبابك يامصر
فيها ريحة عرق ولاد المصراوية
************************************************** ************
والنسمة من حلاوتها عدت علي كل مصر
دخلت عشش الغلابة مرضتش تدخل قصر
ملت صدور الشقيانين رجعت الأمل ليهم
وبأديهم طووا صفحات ظلم وظلام عصر
************************************************** *************
دلوقتي بس نقدر نقول إننا خلفنا
شبابك ياأم الدنيا خلوا العالم يعرفنا
وشهد العالم كله بإنك يامصر أصيلة
وشبابك يامصر عظيم شرفك وشرفنا
************************************************** **************
وداع ياليل مظلم كان كاتم علي قلوبنا
نورالفجر خلاص طلع نورلنا دروبنا
ولا يمكن هنرجع تاني لليل وضلمته
بعد نسيم الحرية خلاص م ملي قلوبنا
************************************************** **********************************
كلمات عصام قمر
المفضلات