ياله نفتكر ايام مدرستنا مع بعض* .......

[الباشا تلميذ]

ما اسم مدرستك الابتدائيه و الاعداديه ؟
الابتدائية مدرسة لسيه الحريه لحد سنه ثالثه وبعدين رحت مدرسة الاورمان الابتدائيه
الاعدادية مدرسة الظاهر الاعدادية بنين

2) ايه المادة الى كانت مفضله ليك و ليه ؟؟ و العكس ؟؟
التاريخ والعلوم
الرياضة


3) مين المدرس الى كنت بتكرهه جداااااااااا و ليه ؟؟
بصراحه مش فاكر

4) موقف محرج حصلك قدام العيال فى الفصل ؟؟
متهيئلى ان مافيش

5) اكيد حبيت و انت فى المدرسه و كان اسمه او اسمها ايه و كام مرة حبيت ؟؟
مكنش حب كان (اعجاب) كانت مدرسة العلوم لأنى حبيت العلوم من شرحها الرائع

6) زورت مكتب المدير قبل كدة و كنت عامل مصيبة ايه ؟؟
لا

7) جالك استدعاء و لى امر و كان ايه السبب ؟؟
لا

8) اخدت فصل قبل كدة من المدرسه و كان كام يوم و ايه السبب ؟؟
لا

9) اكبر علقه اخدتها فى المدرسه و مين ادهالك و كان ايه السبب ؟؟
هى مش علقة وكان فى الطابور الصباحى
كنت تعبت وغبت عن المدرسة 3 ايام ورحت فى اليوم الرابع وحظى السيئ ان فى اليوم إللى قبله كان فيه طلبه هربت من المدرسة فافتكرونى كنت معاهم واضربت فى الطابور وبعد الضرب اكتشفوا انى كنت غايب من قبل كده علشان كنت تعبان فاعتذرلى الناظر

10) اوصف نفسك فى كلمه واحدة كنت تلميذ مجتهد...............؟؟؟
11) كان الزى الرسمى بتاع مدرسته لونه ايه و عبارة عن ايه ؟؟ ( uniform )
ابتدائى قميص بيج وبنطلون بنى غامق
اعدادى قميص ابيض وبنطلون رصاصى

12) اقل درجة جبتها فى الامتحان و كان امتحان ايه ؟؟
امتحان الشهر فى الرياضه

13) شلت مادة قبل كدة ( ملحق يعنى ) و كانت المادة ايه ؟؟
لا

14) عمرك غشيت او عملت برشام ؟؟ بصراحة
اه بس فى ثانوى

15) اوصف ايام مدرستك فى كلمة واحدة كانت .............................؟؟
ممتعه

16) لو قالوك ترجع لأيام المدرسه تقول ايه ؟؟
ياريت

شكرا على موضوعك ياخلود
وأعتزر على تأخيرى فى الرد

[خلود]

شكرا على ردك ياباشا

ومعلشى هما الباشوات كده لازم يخلوا الناس تنتظرهم كتير كده

مش باشوات بقى

ودلوقتى نرجع تاااااااااااااانى ونقول تتفضل العضوه الصديقه

ليـــــــــــــــــــــــــــــــون

نفتكر وياها ايام دراستها اللى اكيد مليون فى الميه كلها شقاوه واعتراضات وعفرته كده

اتفضلى احنا فى انتظارك وبسرعه بسرعه كده

[محمود التهامي]

يا ليووووووووووووووووووووووووووووووووووووون

خلود بتندهلك

تعااااااااااااااااااااااااااااااااااااالي

هههههههههههههههههههههههههههههههههه

خلود
بما اننا بنتكلم عن المدرسة
فلو اتاخرت عن كدا ذنبيها وخليها تقف على رجل واحده وترفع ايديها لفوق وهي شايلة الشاشة

ههههههههههههههههههههههههههههههههههههههههههههههههههههههه

او خديها غياب بقا وخلاص

ههههههههههههههههههههههههههههههههه

[lionking]

معلش يا جماعة بس الباص اتاخر عليا

هتاخد غياب ولا ايه؟؟

ما اسم مدرستك الابتدائيه و الاعداديه ؟
مدرسة طبعا فى الكويت
اسمها
مدرسة الاستقلال الخاصة
دى كانت ابتدائى ومتوسط ( اعدادى )

2) ايه المادة الى كانت مفضله ليك و ليه ؟؟ و العكس ؟؟
المواد المفضلة ليا
العلوم و الانجليزى
المواد المملة اوى
العربى ولغاية دلوقتى على فكرة مش بعرف اذاكره للولاد


3) مين المدرس الى كنت بتكرهه جداااااااااا و ليه ؟؟
مدرسة العربى
كانت رخمة وعلطول بتزعق وفاهمة انها العقاد او طه حسين

4) موقف محرج حصلك قدام العيال فى الفصل ؟؟
مفيش الحمد لله

5) اكيد حبيت و انت فى المدرسه و كان اسمه او اسمها ايه و كام مرة حبيت ؟؟
لالالالا
عيييييييييييييييب

الكلام ده فى الجامعة يا امى

6) زورت مكتب المدير قبل كدة و كنت عامل مصيبة ايه ؟؟
زرته طبعا
كانت خناقة بين بنات فصلنا وبنات فصل تانى

7) جالك استدعاء و لى امر و كان ايه السبب ؟؟
ايون
يوم الخناقة دى


8) اخدت فصل قبل كدة من المدرسه و كان كام يوم و ايه السبب ؟؟
لالا الحمد لله

9) اكبر علقه اخدتها فى المدرسه و مين ادهالك و كان ايه السبب ؟؟
لالا محصلش خالص وفى الكويت مكانش فى الكلام ده

10) اوصف نفسك فى كلمه واحدة كنت تلميذ؟؟؟

متفوقة جدا ومشاغبة اوى ومحبوبة جدا جدا

11) كان الزى الرسمى بتاع مدرسته لونه ايه و عبارة عن ايه ؟؟ ( uniform )
كان جيب كاروهات وقميص اصفر
وفى المتوسط بئه بنطلون كحلى وتى شيرت حمرة

12) اقل درجة جبتها فى الامتحان و كان امتحان ايه ؟؟
امتحان العربى
كنت بنجح ع الحركرك

13) شلت مادة قبل كدة ( ملحق يعنى ) و كانت المادة ايه ؟؟
لا

14) عمرك غشيت او عملت برشام ؟؟ بصراحة
فى الثانوى بس كنت بغشش والحمد لله اتمسكت انا وحلينى بئه على ما اثتب انى بغشش مش العكس
وده طبعا كان هنا فى مصر

15) اوصف ايام مدرستك فى كلمة واحدة كانت .............................؟؟
لذيذة جدا

16) لو قالوك ترجع لأيام المدرسه تقول ايه ؟؟
اكييييييييييد

هو حد يكره يرجع طفل والناس تشيل مسئوليته

شكرا خلود على الموضوع اللذيذ
واعتذر كمان مرة على التاخير بس غصب عنى بئه

انتى عارفة الباصات والزحمة

[lionking]

يا ليووووووووووووووووووووووووووووووووووووون

خلود بتندهلك

تعااااااااااااااااااااااااااااااااااااالي

هههههههههههههههههههههههههههههههههه

خلود
بما اننا بنتكلم عن المدرسة
فلو اتاخرت عن كدا ذنبيها وخليها تقف على رجل واحده وترفع ايديها لفوق وهي شايلة الشاشة

او خديها غياب بقا وخلاص
ههههههههههههههههههههههههههههههههه

هههههههههههههههههه

لا والنبى يا حضرة الناظر بلاش عقاب

ربنا يخليك

ممكن سماح المرة دى ووعد مش هتاخر تانى

والله يا بيه الباص هو اللى اتاخر