ههههههههههههههههههه
فكرتك تحفة يا خلود
بس جاية تتشطري عليا أنا الأول
عموماً ماشي مردودالك
بس صحيح ابتدائي واعدادي بس أومال فين ثانوي
وبعدين دا مش روبرتاج دا استجواب وطلب إحاطة في بعض
بس عموما هجاوب ومش هعمل زي النواب اياهم
ههههههههههههه
1) ما اسم مدرستك الابتدائيه و الاعداديه ؟
مدرستي كان اسمها ( المقدادي ) دا قبل ماجي 6أكتوبر وحضرت فيها سنة واحده بس وجيت سنة تانية في أكتوبر ومدرستي كان اسمها 6أكتوبر الشاملة وكان جمبها سنتر في محل بويات وحدايد والحاجات دي وكان اسمه ابو جاموس فالمدرسة كانت واخده اسمه وكانوا بيقولو عليها مدرسة أبو جاموس شايفين الأسامي ههههههههههههههه
وفي اعدادي طبعا كان اسمها 6 اكتوبر الاعدادية هههههههههه والثانوي كذلك
2) ايه المادة الى كانت مفضله ليك و ليه ؟؟ و العكس ؟؟
أكتر مادة بحبها طول عمري هي الرياضيات اللي كانت وقتها طبعا اسمها حساب
ليه بقا معرفش واكتر مادة كنت مبحبهاش العربي وطبعا عشان واجبها كتير وكله مجرد نقل في نقل دا خمس مرات ودا خمستاشر حاجه تحرق الدم لكن الحساب والهندسة تخليكي تفكري مش مشغلة ماكينة التصوير ونازلة نكش في الكشاكيل
بس حبيت العربي في ثانوي شوية يعني ودا لإني كنت مضطر لاني وقتها ابتديت اكتب شوية
3) مين المدرس الى كنت بتكرهه جداااااااااا و ليه ؟؟
أكيد طبعا اللي كان بيدينا واجب أكتر
ههههههههههههههههه
كان فيه كمان كام واحد ربنا يسامحهم بقا
4) موقف محرج حصلك قدام العيال فى الفصل ؟؟
لأ معتقدش حصل حاجه زي كدا لاني كنت محبوب إلى حد ما
5) اكيد حبيت و انت فى المدرسه و كان اسمه او اسمها ايه و كام مرة حبيت ؟؟
اسمها طبعا مينفعش اقوله كام مرة فهي مرة واحده لحد اعدادي
6) زورت مكتب المدير قبل كدة و كنت عامل مصيبة ايه ؟؟
ههههههههههههههههههههههههههههههه
كان بشكرني عشان كان عندنا موجه رياضيات وسأل أسئلة صعبة جدا المدرسين وقتها وشهم احمر منها لكن الحمد لله جاوبتها لإنها طبعا مكنش ليها علاقة بالمنهج فالموجه لما نزل كتب في تقريره شكر للمدرسة بإسمي
وطبعا بقا هنوني في الإذاعة وكدا يعني
7) جالك استدعاء و لى امر و كان ايه السبب ؟؟
لأ
8) اخدت فصل قبل كدة من المدرسه و كان كام يوم و ايه السبب ؟؟
لأ برضه
9) اكبر علقه اخدتها فى المدرسه و مين ادهالك و كان ايه السبب ؟؟
مكانتش علقة قوي يعني لكن كنت بتضرب كتير قوي في تانية ابتدائي
كانت الأبلة بتاعتنا بتدينا واجب كتير جدا تخيلي مثلا في مرة كان مطلوب مننا في واجب الدين حفظ التشهد وكتابته 25 مرة دا طبعا غير واجب العربي فتعتقدي كان ممكن أخلصه إمتى وازاي ؟؟
10) اوصف نفسك فى كلمه واحدة كنت تلميذ مثالي أكثر من اللازم
11) كان الزى الرسمى بتاع مدرسته لونه ايه و عبارة عن ايه ؟؟ ( uniform )
ابتدائي كان اللي بيقوله عليه تين نادية ومش فاهم ليه تين ولا مين نادية
بس كان بنطلون بني وقميص بيج وبكره الأولن دي عماااااااا
اعدادي بقا كان الحمد لله اترحمنا منه وكان بنطلون رمادي غامق ( فيراني ) وقميص رصاصي فاتح
12) اقل درجة جبتها فى الامتحان و كان امتحان ايه ؟؟
مش فاكر بس كنت على طول من الاوائل
13) شلت مادة قبل كدة ( ملحق يعنى ) و كانت المادة ايه ؟؟
ابتدائي واعدادي لأ
14) عمرك غشيت او عملت برشام ؟؟ بصراحة
كتيييييييييييييييير بس مش ليا
كنت بعمله لصحابي او اغششهم
لكني كنت بتحرج أغش
مبعرفش اطلب حاجه من حد
15) اوصف ايام مدرستك فى كلمة واحدة كانت حلوة والله ؟؟
16) لو قالوك ترجع لأيام المدرسه تقول ايه ؟؟
لو من غير واجب يبقا نعـــــــــم
شكرا خلود واسف لو طولت عليكم
ياله نفتكر ايام مدرستنا مع بعض* .......
رد مع اقتباس
المفضلات