ياله نفتكر ايام مدرستنا مع بعض* .......

[خلود]

نورتى ياحضره المشرفه ولو انك اتأخرتى علينا كتير بس ولا يهمك والف مليون سلامه عليكى

[خلود]

ازيكم اخوانى واخواتى

رجعت لكم تانى والمره دى معاى اغلى انسان عندى فى المنتدى ده

حبيبتى وثاحبتى واختى وكل حاجه لى هنا ومن غير ما حد يزعل

معلشى اعتبروه تحيز لصاحبتى بقى

يلا ياسياده المشرف العام

( اميره حبى انا )

بانتظارك تفتكرى معانا ايام دراستك وشقاوتك وانا اعتقد كانت شقاوه شقاوه يعنى

[اميرة حبى انا]

) ما اسم مدرستك الابتدائيه و الاعداديه ؟
الابتدائية( طورسيناء الابتدائية)
الاعدادية (غمرة الاعدادية بنات)

2) ايه المادة الى كانت مفضله ليك و ليه ؟؟ و العكس ؟؟
التاريخ عشان كنت بقراه زى مااكون بقرأ قصة كنت بحب اعرف حياة الفراعنة
الرياضة دمها تقيل وبسببها دخلت ادبى فى الثانوية


3) مين المدرس الى كنت بتكرهه جداااااااااا و ليه ؟؟
مفتكرش انى كرهت مدرس

4) موقف محرج حصلك قدام العيال فى الفصل ؟؟
والله ما فاكرة

5) اكيد حبيت و انت فى المدرسه و كان اسمه او اسمها ايه و كام مرة حبيت ؟؟
تؤتؤتؤ محثلش

6) زورت مكتب المدير قبل كدة و كنت عامل مصيبة ايه ؟؟
تؤتؤ

7) جالك استدعاء و لى امر و كان ايه السبب ؟؟
الحمد لله محصلش

8) اخدت فصل قبل كدة من المدرسه و كان كام يوم و ايه السبب ؟؟
لا موووش حثل

9) اكبر علقه اخدتها فى المدرسه و مين ادهالك و كان ايه السبب ؟؟
لا هى مش اكبر علقة بس انا من صغرى مبعرفش انام بدرى وبالتالى كنت بأصحى متأخر وبروح متأخرة ويؤدى هذا الى انى كنت بضرب اغلب ايام الدراسة الصبح فى التلج والله(الله يسامحهم بقى)

10) اوصف نفسك فى كلمه واحدة كنت تلميذه شقية بس بأدب والله ...............................؟؟؟
11) كان الزى الرسمى بتاع مدرسته لونه ايه و عبارة عن ايه ؟؟ ( uniform )
ابتدائى كانت مريلة بيج
اعدادى قميص ابيض وجيبة رمادى

12) اقل درجة جبتها فى الامتحان و كان امتحان ايه ؟؟
فى تانية اعدادى كان امتحان الشهر بتاع العلوم وانا لما قريته كنت عارفة كل الاسئلة لكن جاوبت باستعجال فلخبطت الدنيا وجبت درجة قليلة

13) شلت مادة قبل كدة ( ملحق يعنى ) و كانت المادة ايه ؟؟
لا

14) عمرك غشيت او عملت برشام ؟؟ بصراحة
اه بس فى ثانوى

15) اوصف ايام مدرستك فى كلمة واحدة كانت .............................؟؟
حلوه اوى وفى نفس الوقت تقيلة اوى اوى كنت بتمنى اليوم اللى اخلص فيه

16) لو قالوك ترجع لأيام المدرسه تقول ايه ؟؟
لا كفاية كده
حلو الموضوع وحلوة اسئلتك
شكرا يا خلود

[خلود]

16) لو قالوك ترجع لأيام المدرسه تقول ايه ؟؟
لا كفاية كده

هههههههههههه
زهقتى خلاص كده والله ليكى حق

حلو الموضوع وحلوة اسئلت
شكرا يا خلود

انتى الاحلى يااميره وبجد نورتى الموضوع بأجاباتك الجميله جدا

[خلود]

ها الدور علي مين بقى

نستدعى عضو رجل بقى بما اننا كان معانا وردتين من اجمل وردات المنتدى

ضيفنا النهارده عضو من افاضل

الاعضاء ويانا فى المنتدى

وننادى ونقول سعاده

( الباشـــــــــــــــا

تلمـــــــــــــــــــــيذ )

اتفضل يافندم عايزين نسمع منك وتفتكر ويانا اجمل ذكرياتك عن اجمل فتره فى حياتنا كلنا

ويلا ياباشا اتفضل بقى بسرعه بسرعه كده