ياله نفتكر ايام مدرستنا مع بعض* .......

**خلود** · 10-09-2009, 03:29 AM

انا عارفه طبعا ان حضرتك 24 سنه بس

بس انت اللى قلت الذى مضى وانا شايفه انه مش مضى كتير يعنى ولا حاجه دول كلهم كده كام سنه

وربنا يارب يديك الصحه وتتمهم 100

**خلود** · 12-09-2009, 01:53 AM

ونرجع تانى مع اصحابى واخواتى نفتكر اجمل ذكريات وحكايات عن اجمل فتره كلنا مرينا بيها هى فتره الدراسه والطفوله اللذيذه

وميعادنا هنا معى شاعرنا واستاذنا ورئيس برلمان منتدانا واكثر الاعضاء مشاركه

(فجــــر مصـر)

اتفضل استاذنا جمال فى انتظارك بذكريات نتمنى تكون جميله جدا بالنسبه لك

**fagrmasr01** · 12-09-2009, 02:50 AM

اشكرك على المقدمة الجميلة دى كلها
وبجد موضوعك جميل وأتمنى زيادة المواضيع اللى فيها مشاركات لتنشيط منتدانا
1) ما اسم مدرستك الابتدائيه و الاعداديه ؟
مدرستي كان اسمها ( ابن خلدون - فى ميدان الكيت كات ) وفى الاعدادية كانت مدرسة الدقى الاعدادية
2) ايه المادة الى كانت مفضله ليك و ليه ؟؟ و العكس ؟؟
أكتر مادة بحبها طول عمري هي العربى
وكنت باحب كل المواد .. ما عدا الرياضيات ( الجبر خصوصا )
3) مين المدرس الى كنت بتكرهه جداااااااااا و ليه ؟؟
مدرس الرياضيات لان المدرس اول فى حصة فى سنة تالتة اعدادى ضربنى عصايتين على ايدى ظلما وعدوانا .. لأنها كانت حصة امتحان وانا اتأخرت بسبب انى رئيس فريق الكشافة وكنت المسئول عن طابور الصباح ولازم اغير ملابس الكشافة بعد الطابور .. ودا طبعا أخرنى خمس دقايق ع الحصة
ومع احساسى بالظلم سلمت الورقة فاضية واخدت صفر بجدارة وبالتالى انضربت تانى عصايتين واستمر الكره الى اخر السنة

4) موقف محرج حصلك قدام العيال فى الفصل ؟؟
الحمد لله محصلش .. لانى كنت الألفة ( مسئول النظام ف الفصل )

5) اكيد حبيت و انت فى المدرسه و كان اسمه او اسمها ايه و كام مرة حبيت ؟؟
اسمها مينفعش اقوله .. ومن سنة 3 اعدادى وافترقنا بعد الجامعة

6) زورت مكتب المدير قبل كدة و كنت عامل مصيبة ايه ؟؟

يوم ما سلمت ورقة امتحان الجبر فاضية.. وكان ناظر لان على ايامى مكانش فيه منصب مدير للمدرسة ... والناظر قدر موقفى وطبطب على لانى كنت قائد فريق الكشافة ورئيس النادى الانجليزى ورئيس جمعية اصدقاء التاريخ والجغرافيا وكنت مسئول الاذاعة واكن بيحب نشاطاتى جدا

7) جالك استدعاء و لى امر و كان ايه السبب ؟؟
لأ

8) اخدت فصل قبل كدة من المدرسه و كان كام يوم و ايه السبب ؟؟
لأ برضه

9) اكبر علقه اخدتها فى المدرسه و مين ادهالك و كان ايه السبب ؟؟
مشكلة الجبر الى قلتها فوق
10) اوصف نفسك فى كلمه واحدة كنت تلميذ نشيط

11) كان الزى الرسمى بتاع مدرسته لونه ايه و عبارة عن ايه ؟؟ ( uniform )
ابتدائي كان تيل نادية ... تيل يا استاذ محمود .. ومحدش برضوا يسألنى مين نادية دى
اعدادي بنطلون رمادي غامق ( فيراني ) وقميص رصاصي فاتح

12) اقل درجة جبتها فى الامتحان و كان امتحان ايه ؟؟

الجبر .. صفر بجدارة

13) شلت مادة قبل كدة ( ملحق يعنى ) و كانت المادة ايه ؟؟
لأ

14) عمرك غشيت او عملت برشام ؟؟ بصراحة
لا

15) اوصف ايام مدرستك فى كلمة واحدة كانت حلوة جدا ؟؟

16) لو قالوك ترجع لأيام المدرسه تقول ايه ؟؟

نعـــــــــم

شكرا بجد يا خلود
تسلم افكارك الحلوة

**خلود** · 13-09-2009, 02:19 AM

[QUOTE=fagrmasr01;34404]اشكرك على المقدمة الجميلة دى كلها

انت تستحقها استاذنا واكتر كمان
وبجد موضوعك جميل وأتمنى زيادة المواضيع اللى فيها مشاركات لتنشيط منتدانا

والله انا كمان بتمنى كده وياريت كلنا نحاول كده
6) زورت مكتب المدير قبل كدة و كنت عامل مصيبة ايه ؟؟

يوم ما سلمت ورقة امتحان الجبر فاضية.. وكان ناظر لان على ايامى مكانش فيه منصب مدير للمدرسة ... والناظر قدر موقفى وطبطب على لانى كنت قائد فريق الكشافة ورئيس النادى الانجليزى ورئيس جمعية اصدقاء التاريخ والجغرافيا وكنت مسئول الاذاعة واكن بيحب نشاطاتى جدا

طيب اكتب اى حاجه اعمل لك اى منظر كده
فاضيه خالص كده

10) اوصف نفسك فى كلمه واحدة كنت تلميذ نشيط

وحقيقى نشاطك ملحوظ معانا هنا فعلا واضح انه طبع بقى

11) كان الزى الرسمى بتاع مدرسته لونه ايه و عبارة عن ايه ؟؟ ( uniform )
ابتدائي كان تيل نادية ... تيل يا استاذ محمود .. ومحدش برضوا يسألنى مين نادية دى
اعدادي بنطلون رمادي غامق ( فيراني ) وقميص رصاصي فاتح

وبعدين فى ناديه دى بقى

ياجماعه سيبو الست فى حالها وبلاش كل شويه تجيبوا سيرتها كده قدام الناس هههههههههه

12) اقل درجة جبتها فى الامتحان و كان امتحان ايه ؟؟

الجبر .. صفر بجدارة

هههههههه ده طبعا بسبب المدرس وجبروته

شكرا بجد يا خلود
تسلم افكارك الحلوة
ربنا يخليك ياجمال ويبارك لنا فيك يارب وبجد اجاباتك واضح فيها برضو الصراحه وواضح انك كنت تلميذ نشيط ومجتهد جدا
بس كنت برضو معاند تسيب الورقه فاضيه عند فى المدرس كده