أمل الفرحة يا كل حنانى
ليه حيرتينى ..وخيرتينى ..وانا اخترتك
واخترت اعيشك بحنانك واعيش حيرتك
وباعشق حتى عدوى .. لو جاب سيرتك
باتمنى ..حتى السيرة .. وباعشق غيرتك
احترت ان انا اختار
اخترت ان انا احتار
اخترت احيا الاسرار
مع حبك بين الاقمار
ياللى فى بعدك تاه منى حق قرارى
وتايه مع نفسى جوايا مع اشعارى
رحلتى تاهت ملامحها ليلى نهارى
وحشتينى يانور عينى وهنا أقدارى
وفى كل ثانية باناديكى
روحى هايمة حواليكى
وادعى ان ربنا يحميكى
وبعمرى كله انا افديكى
طال البعاد ياواحشانى والقلب تاه
وباغنى معاه بألحانى عذاب الآه
بنظرة منك تداوينى والسعد القاه
منايا لو المح طيفك واعيش وياه
أمل الفرحة .. يا كل حنانى
يافرحة عمرى ياواحشانى
ياسلطانتى وملاك عمرى
أمل عمرى اشوفك تانى
رد مع اقتباس
المشاركة الأصلية كتبت بواسطة عمرو الحكيم
المفضلات