وحشتينى بطريقة معرفش اوصفها
بجد وحشتينى بطريقة معرفش اوصفها
ولا حتى الف شاعر يعرف يكتب اوصافها
و لا حتى الف كتاب وكتاب
عن الأشواق وعن الاحباب
تعرف توصف .. ولا حرف واحد فى حروفها
ولا قلب حس بإحساسى عشان يوصفها
احساس الشوق يا واحشانى
ده مش كلمة .. ده عالم تانى
حزن وفرحة .. وشوق وأمانى
دمعة وضحكة .. دموع وأغانى
عارفة باعيش أشواقى ياحبى ليكى ازاى
عارفة النغمة .. وهى مفارقة العود والناى
عارفة النبضة ..ودمى فى قلبى رايح جاى
شوقى اليكى .. اشد كتير
أشواق التغريد .. للعصافير
شوق أو شوك او كف حرير
او اجمل ضحكة ..ودمع كتير
اوصفها ازاى انا اشواقى.. لرموش العين
دوامة وبحر .. سفينة تاهت بين الشطين
عصفور عدى لحدود الكون فقد الجناحين
تتعذب الكلمة بشوقى لرموش ساحرين
ياللى نظرة من عينك تداوينى
مش لاقى غير كلمة وحشتينى
رد مع اقتباس
المفضلات