أمى نبع حنانى

[رحاب محسن]

السلام عليكم ورحمة الله وبركاته .

من علمنى البسمة الحلوة؟
من علمنى أقول الكلمة ؟
من علمنى أمسك قلمى؟
من علمنى أصون علمى ؟
من غذانى ؟..... من ربانى؟
أنها أمى نبع حنانى
***********
طول أيام العمر الحلوة
كلمة أمى أجمل غنوة
لمسة حب قالها لسانى
لمسة حب سرت فى كيانى
من علمنى أسير الدرب؟
من علمنى كيف أحب؟
من غذانى ؟.....من ربانى؟
أنها أمى نبع حنانى
************
عشت معاها فجر شروق
وأتعلمت منها حقوق
هى زمان وسنين عمرى
طول أوقاتها تحمل همى
من علمنى أشق طريقى ؟
من علمنى أحب صديقى ؟
من غذانى ؟.....من ربانى؟
أنها أمى نبع حنانى
************
سر بقائى ....سر خلودى
سر نقائى ....سر صمودى
تسهر جنبى....تسمع نبضى
لحن حياتها....دقة قلبى
من ربانى على الأيمان ؟
من حببنى فى القرأن ؟
من غذانى ؟.....من ربانى ؟
أنها أمى نبع حنانى

.................................................. .............................

[أشرف صالح]

كلمات رائعة ومعبره بصدق لعطاء الأم المتدفق وفقك الله

[رحاب محسن]

شكرا لردك يا أستاذ أشرف

[خلود]

جميله اوى رحاب احنا معانا شاعره ومنعرفش

ينفع كده يلا ورينا كمان وكمان ياشاعرتنا الجميله

وربنا يخلى لنا امهاتنا يارب

[fagrmasr01]

بجد بجد .. حلوة اوى .. وعجبتنى جدا
جميلة فعلا .. شعر ومعانى
الله ينور عليكى
وفى انتظار ابداعاتك القادمة
ربنا يوفقك