عصفورة الحب أنا جناحك

إنتى حبيبتى ، وأنا أفراحك



ياحبيبتى وعايشة جوايا * * أنا وانتى فرحة فى انسان

يا حياتى وعمرى وهنايا * * قلب وعقل وروح وجدان

يا للى رضاكى أعز منايا * * ياأغلى حب وأحلى حنان

أتمنى هناكى وكل رضايا * * اشوف نورك يملا الأكوان



عصفورة الحب أنا جناحك

إنتى حبيبتى ، وأنا أفراحك



فى يوم العيد بأهنيكى * * وأتمنى أهنى كمان وكمان

قلبى يطوف حواليكى * * وبيعزف لك أحلى الألحان

يسمع صوتك يناجيكى * * يا سيمفونية فى كل مكان

وروحى تحـن لعينيكى * * باحبك قبل الزمان بزمان




عصفورة الحب أنا جناحك

إنتى حبيبتى ، وأنا أفراحك



كل سنة وانتى حبيبتى * * وكل سنة وقلبى حبيبك

وكل يوم وانتى طبيبتى * * وكل ثانية وانا طبيبك

وانا جنبك ياعصفورتى * * وتملكينى وانا نصيبك

يا قمورتى يا سنيورتى * * كل سنة .. وانا حبيبك