ازيكم اصحابى وصحباتى واخواتى



انا فكرت فى فكرة كدة اتمنى انها تنول اعجابكوا


كلنا طبعا لنا ذكريات جميله على مدار حياتنا وانا النهارده جايه ارجعكوا لذكريات جميله فى حياتكوا والنهارده هرجعكوا لأحلى ايام ليكوا و هى

ايام المدرسه ( الابتدائيه و الاعداديه ) و اهم الذكريات و المحطات الى مرت عليكوا فيها

انا هحط شويه اسئله زى روبرتاج كدة معاكوا و هختار ضيف كل يومين يجاوب على الاسئله و كلوا ينتظر اجاباته


هقولكوا بقى الأ سئله و عايزه اجابات بكل صراحة و مش عايزة لف ولا دوران

1) ما اسم مدرستك الابتدائيه و الاعداديه ؟

2) ايه المادة الى كانت مفضله ليك و ليه ؟؟ و العكس ؟؟

3) مين المدرس الى كنت بتكرهه جداااااااااا و ليه ؟؟

4) موقف محرج حصلك قدام العيال فى الفصل ؟؟

5) اكيد حبيت و انت فى المدرسه و كان اسمه او اسمها ايه و كام مرة حبيت ؟؟

6) زورت مكتب المدير قبل كدة و كنت عامل مصيبة ايه ؟؟

7) جالك استدعاء و لى امر و كان ايه السبب ؟؟

8) اخدت فصل قبل كدة من المدرسه و كان كام يوم و ايه السبب ؟؟

9) اكبر علقه اخدتها فى المدرسه و مين ادهالك و كان ايه السبب ؟؟

10) اوصف نفسك فى كلمه واحدة كنت تلميذ ...............................؟؟؟

11) كان الزى الرسمى بتاع مدرسته لونه ايه و عبارة عن ايه ؟؟ ( uniform )

12) اقل درجة جبتها فى الامتحان و كان امتحان ايه ؟؟

13) شلت مادة قبل كدة ( ملحق يعنى ) و كانت المادة ايه ؟؟

14) عمرك غشيت او عملت برشام ؟؟ بصراحة

15) اوصف ايام مدرستك فى كلمة واحدة كانت .............................؟؟

16) لو قالوك ترجع لأيام المدرسه تقول ايه ؟؟

* نعم * لا




واول ضيف معانا النهارده مديرنا الغالى يمتعنا بحواراته الجميله وخفه ظله الفظيعه
( محمود التهـــــــــــــــامى )
اتفضل يامديرنا امتعنا بردودك الرائعه واسرارا ايام الدراسه الجميله



يارب الفكرة تكون عجبتكو