لحظة الم المشاركة رقم ( 3000 )

**فريد** · 24-10-2011, 10:47 AM

لحظة الم
ـــــــــــــــــــــــــــــــــــ

يعنى ايه لحظة الم

و يعنى ايه احساس انك عدم

بعد ماكنت بتدوس بكل قوة بالقدم

فجاءة تكون ماتكونش اى شيء فى الكون

او تختفى و يختفى وجودك و تبقى من غير لون

يعنى ايه احساسك انك موجود بس مش موجود

يعنى جسمك حاسس لامس من غير رسم و لا حدود

يعنى جوه زى بره شمس زى قمر دفا زى برود

زى مايكون واحد بيكتب كلام كتير بس محدش بيقراه

او واحد شايف ناس كتير حواليه بس محدش معاه

او تاكل و انت مش حاسس بتاكل ايه

او تشرب و انت مش عارف بتشرب ليه

و تفضل تسال نفس السؤال الا ملوش اجابة من سنين

ليه و سين و جيم و ايه و مين

هو احنا عملنا ثورة و لا الثورة كانت لناس تانيين

هو احنا كنا معاهم ولا كنا فين

و ليه الكل دلوقتى مش سامعين

ولا مش فاهمين

ولا مش فاضيين

ولا متفرقين

وفى نهاية كلامى سلامى لكل المصريين
فريد عنانى