مين يعتذر

اللى يحب مصر يزرع فيها ورده


مين يعتذرمين..القسوه ولا اللين.
مين اللى يقبل مين..خلينا متخاصمين..


مين اللى يبدء بأعتذار..
ويبتدى.. وياخد قرار..
بقى اللى بينّا انتظار..
مين اللى يبدء بأعتذار..
وجنة الحب الجميله..ولعت.. بالكبر نار..


نسينا ايه اصل الخصام..واللى حصل..
بقى همنا مين اللى يبدء بالكلام او يعتذر..
وكأنها حكاية كرامه..
مش زعل راح بالسلامه..
ساب فى كل حد نار..تنتظر.. اى اعتذار..
كل واحد فينا عايز.. كلمتين رد اعتبار..


والمشاعر خدها ريح..
ساب وراها غرام جريح..
لو قلوب.. حبت صحيح..
كت تسامح ..بالصريح..
مش يكون نقطة خلاف..
كأنه ذنب ..و اعتراف..
واللى يبدء يبقى ظالم..
كل واحد.. فينا خاف..


كل واحد.. قال كرامتى..
طال سكوتك..زاد ف صمتى..
واللى كان يخلص ف ثانيه..خد هوانا لسكه تانيه..
صعبه كلمة..اتهزمتى..كل واحد قال كرامتى..


لما وصلنا لنفسى ونفسك..
لا اتكلم ..ولا اسمع حسك..
واشكى لروحى..وتشكى لنفسك..
وقسمتنى..وجنيت على نفسك..
مين اللى يقبل مين..نفضل كده ظالمين..
خلينا متخاصمين






منقول