عسل ومر


فرقت معاك..ماحسبتهاش..
أنا كل همى كان هواك..
كان نفسى بس أكون معاك..
ماحسبتهاش..جنه ولا نار..معاك..

أنا كنت جنبك..عشان بحبك..بحس إنى حته منك..
كان بيتى حضنك..دوايا حبك..الموت وبس يبعدنى عنك..
كل اللى منك..جميل وحلو..
حتى المرار.. ماكنش مر..
حساك بتاعى..حساك شراعى..على أى جنب أطويك تروح..
مابشفش داعى..إنك تراعى..أكون ف إيدك لمّا تروح..
وأقول بيرجع..أنا بعدى يوجع..عمروا مايوم يتحملوا..
وثقت فيك..من حبى فيك..وكان هوانا ف أولوا..
ترجع براحتك..أنا بتاعتك.. وأنت حر..
مستنياك..ومشتاقاك.. على نار وجمر..
من غير ماأفكر.. ليه الغياب..
مااعرفش إن وراه عذاب..
واللى بالاخلاص حابسنى..
داس بإخلاصى التراب..

جسر المحبه خلاص فصل..
ودرس إخلاصك وصل..
مهما تدارى اللى حصل..
القلب جوايا إنكسر..
ومش ح ادوق مرك عسل..

أى قلب يعيش فى ذل..
يوم ما يتذكر يمّل..
لو فرشت الارض فل..
العسل..ح يدوقوا مر..