انتا متعرفش انا بن مين
كتير بنسمعها الجمله دي : الواحد يقول فى باله يعني هيكون
بن مين
كونداليزا رايس ؟
احيانا لما بكون واد توتو مظبط خروجه مع جثه وتكون ماشيين على البحر والمغبر يمسكك يقلبك وتقوله انتا متعرفش انا بن مين ؟
هيقوم المغبر فقعك على افاك قدام الحته وهيبقا شكلك شبه البوكسر ومش هتقدر تبمبق معاه
دة انا هوريك انتا ازاي تتجره وتضربني ادام ميكي
المغبر:وميكي دي تطلع مين يا حلو اخواتك يا مقطقط انتا
قدامي انتا وهى قضية اداب

وبعد ما يروحو القسم

ممكن اعمل مكالمة لداد

فاتحنها سنترال ولا هو مال وليم ؟ اخلص لما نشوف اخرتها انتا وابوك

الحقني يا داد انا وميكي فى قسم ...؟ اتصل باي حد يخرجني
ناو المكان هنا مقرف والريحة هنا نو كومنت ياااااااي ياااااااي

اخلص ياروح امك يا مقطقط تعالى
مكان ايه اللي مقرف وريحة ايه اللي مش عجباك اوعى تفكر انك قاعد فى بلطيم انتا فى ذنذانه
الا صحيح انتا تطلع بن مين ؟ الا تكونش علاء مبارك وانا معرفش

=============================
انا داد .... صاحب شركة ....... وليها فروع فى لندن
====================
رئيس القسم: يا اهلا يا اهلا بيك يا ابني لعلمك انا كنت بهزر معاك وكان فى سوء تفاهم بين المغرب وبينك واللي ما يعرفك يجهلك
انتا دادك من اهم واكبر رجال الاعمال وحقق عليا يا ميكي

حلوين حلوين لايقيني على بعض دي اختك دي يابنى
============
لالالالا يا مجنون انتا دي الجيرل فريند

هههههه حلوه القصه دي
بس للاسف هى ماشيه متكوسه ولسه الكوسه ماشيه

ولسه عيال التوتو موجدين


كل حاجة بقيت فى الزمن دة فوتوشوب

لعلمكم موت اي فقير مش لاقي يأكل

كان فوتوشوب

واحد شغال فى شركة بترول مرتبه 9000 جنيه
مش فوتوشوب

انما واحد شغال طالع عينه بيمسح البلاط وبيأخد 200 جنيه
دة اللي فوتوشوب

واحد عنده للاب توب ب 8000 جنيه ومشترك فى النت وعيش حياته
مش فوتوشوب

انما واحد مش لاقي مكان ينام فيه فى برد الشتاء
دة اللي فوتوشوب


لما واحد يكون بيفكر يجدد عربيته ويجيب واحد همر بدل المرسيدس اللي جايبها الشهر اللي فات

دة مش فوتوشوب

انما الفوتوشوب
ان واحد يحلم يجيب توك توك يشتغل عليه
========================
العيب مش من مبارك العيب فينا احنا
مبارك مات من 2004


لعلمكم انا لسه شايف السادات فى المنشيه بيشتري قميص مشجر
:clap_1:







منقول