اتعلم ازاي تقرا الروشته وانت في الصيدلية

فى هذه المشاركه اوضح لكم اساسيات قراءه الروشته
وهى اول واهم اختبار يواجه الصيدلى
فى مستهل حياته العمليه

وسوف اطرح اليكم هذا المثال لتعلموا مدى اهميه مهنه الصيدله
وخطورتها واستحاله مقارنتها بما يحاولوا
تشبيهنا به للاسف

يكفى اخوانى ان تعلموا باننا نتعامل مع اهم
واخطر شىء وهو حياه وصحه الفرد

والخطا فى صرف دواء واحد ربما يؤدى
الى مضاعفات خطيره او قد يودى بحياه المريض


فى احدى المحافظات كان يقف شخص
(ينتسب لمهنتنا ولا ينتمى اليها والفرق كبير )
فى صيدليه ودخلت عليه سيده ومعها الروشته
التالية لصرفها وكان بها الاتى :

thiop_______l vialواحده كل 24 ساعه

cetal dp8 نقط 3 مرات

septrin suspملعقه كل 12 ساعه

وبعد صرف الروشته انصرفت السيده

وبعد يومين واثناء تواجد هذا الشخص بالصيدليه
فؤجىء بالعديد من الاشخاص القادمين اليه ليشتبكوا
معه ويتطاولوا عليه وتم اغلاق الصيدليه لمده سته اشهر

لماذا؟؟؟؟؟؟؟؟؟؟؟؟؟

هل لاحظتم اول دواء ---ما هو

انه thiophenicol وهو مضاد حيوى

هل تعلموا ماذا صرفه هذا الشخص

thiopentalوهو مخدر قوى يستخدم فى العمليات !!!
هل تعلمون كم كان عمر المريض سنتان

وقد دخل فى غيبوبه وتم تحويله للعنايه المركزه للافاقه

قد يلوم البعض منكم الطبيب كاتب هذه الروشته
ولكن
اين كان الصيدلى الخبير ؟؟؟

وكم نصادف فى عملنا العديد من الروشتات والحالات
التى قد لا يتضح فيها اسم الدواء ؟؟؟

فى هذه القصه فقط توضيح لمدى اهميه
معرفه اساسيات قراءه الروشته الطبيه


بعض النقاط الواجب التعرض لها بالشرح
فى هذا الموضوع من وجهة نظرى
بخصوص صرف ادويه خطأ
1/الادويه فى الروشته هى كائن متكامل يجب
التعامل معه ككل ولا يفصل عن بعضه

2/تخصص الطبيب المعالج

3/شكوى المريض

4/ماذا قال الطبيب للمريض عن الدواء

5/سن المريض

كل هذه الامور تحتاج شرح ويوجد امور اخرى




اولا وقبل ما ابدا اتكلم عن كيفية التعامل
مع الروشته لازم اوضح نقطه مهمة جدا
واسمحولي اخليها هي عنوان الموضوع اللي هنتكلم فيه :

" انت مش وظيفتك انك تطلع الدوا اللي مكتوب
في الروشتة وخلاص كده دورك انتهي "

لازم نعرف كلنا ان احنا كصيادلة ان وظيفتنا
عند النعامل مع أي روشته اننا نشوف
وتكتشف أي اخطاء موجوده في الروشته
وهل هناك أي تعارض بين الادويه المكتوبة ولا لا ؟؟
وهل الادويه المكتوبة تناسب الحاله اللي
اتوصف ليها الدوا ولا لا ؟؟
ومن امثلة الاخطاء اللي ممكن تصادفك
من خلال تعاملك مع الروشته والتي للاسف
ممكن يقع فيها الطبيب ..
وصف لبوس شرجي لطفل عنده اسهال
او وصف دواء شرب لمريض يعاني
من القيء :!: وطبعا لازم يكون الصيدلي فاهم الحاله
كويس عشان ده دوره مش دور حد تاني

طيب لما تجيلي روشته وانا واقف في الصيدلية اتعامل معاها ازاي ؟؟



1-قراءة الروشته ككل لاستنباط الحاله

وده طبعا هيخليك تعمل تشخيص سريع للحاله
وبالتالي ده هيساعدك انك تعرف نوع الدواء اللي مكتوب

2- قراءه تخصص الطبيب

وده من الحاجات المهمة لانها هتساعدك برده في التشخيص


3-معرفه عمر المريض ولو حتى بالتقريب
4-قراءه اسم المريض لمعرفة نوعه ذكر او انثى
وفي بعض الاحيان بيكون عمر المريض
مكتوب في الروشته اما لو مكنش مكتوب
فمن حقك انك تسال الشخص
اللي جايبلك الروشته عن عمر المريض
( ساعات طبعا بيكون المريض باعت حد يجيبله
الدوا يعني مش لازم
اللي هيجيبلك الروشته هيكون هو المريض )
عشان تشوف هل التركيزات المكتوبه تناسب المريض ولا لا

5-قراءة تركيز الدواء المكتوب قراءة جيده
وللاسف ممكن الصيدلي يعرف يقرا الروشته كويس

ويطلع الدوا المكتوب لكن يطلع تركيز تاني غير التركيز المطلوب
يعني مثلا مكتوب مضاد حيوي معين تركيزة 1 gm
يقوم الصيدلي مياخدش باله ويطلع نفس المضاد الحيوي
ولكن بتركيز 250 mg
وطبعا هيكون الدوا هنا ملوش أي تاثير ..
اما لو العكس فممكن يعرض المريض لاضرار جانيه
نتيجه الجرعه الزياده وطبعا المريض مش ناقص كفايه اللي عنده

6--قراءه الجرعه المحدده من الطبيب
والشكل الدوائى (اقراص -شراب-لبوس-----الخ)
وطبعا بنلاقي
دكاترة كتير بيكتبوا اسم الدوا بخط كويس
لكن للاسف الشديد بنلاقي جرعته الدوا
والشكل الدوائي عبارة عن شخابيط !!
وطبعا لازم تستفسر من المريض عشان تعرف تحل الالغاز
اللي جيالك في الروشته لان شكوي المريض مهمة جدا
يعني مثلا مش معقول
مريض بيشتكي من الم في عينيه والدكتور هيديله لبوس
:

7- الاستعانه بالصيادلة الموجودين معاك في الصيدليه
والاكبر منك سنا وخبرة للاستفسار عن حاجه
معينة مش واضحه في الروشته

8- الاتصال بالطبيب فى حاله عدم التوصل لاسم الدواء :

وده طبعا الحل الاخير لو خلاص الروشته
مش عارف تتصرف معاها ازاي خاصه
ان فيه دكاترة خطهم بسم الله ماشاء الله ميتقراش نهائيا
ويفضل ان يكون اتصالك ده بعيدا عن المريض
بقدر المستطاع حتي لا يتسرب الشك اليه
او انك تحاول تقنع المريض ان اتصالك ده في
مصلحته للتاكد من الدواء المكتوب







منقول