أعمى اتجوز طارشة لا هو شايفها و لا هى سامعاه.



إبرتي المصدية أحسن من اسوارك أبو ألف ومية.

قال إيه خلاك حمار يا جحشى ...
قال مشيت فى سكة القرع والمحشى.


قالت يا بت مالك صفرة كده قالت :
مش حبلت. قالت لها : يا بت مالك صفرة كده قالت :
مش ولدت قالت لها : طول عمرك كده حتى و انت بت.

أول مرة بدر منور تانى مرة رغيف مدور
و ثالث مرة عفريت مصور.


حلبوا قردة كشت قالوا :
يغور اللبن اللى ييجى من وشك.

اللى تتجوز يوم الأربع على بيت أبوها
ترجع و اللى تجوز يوم الجمعة ما ينشفلهاش دمعة
و اللى تجوز يوم الحد ما يعلاش عليها حد.

اعمل الخير و ارميه فى بحر جارى
و ان ضاع عند العبد ما يضعش عند البارى,

يا رايح الخانكة على حمار ما ينوبك من السفر قد المشوار.

اجرى يا ابن آدم جرى الوحوش غير نصيبك يا ابن أدم لم تحوش.

بيع الجمال و اشترى خفه الجمال كتير بس الخفيف صدفة.

من خيبته خد قد بنته و من همه خد .

اللى مراته مفرفشا يجرى عالبيت من العِشى ...
واللى مراته نكدية يرجع البيت عالصبحية.


ماتخدش السهتانة أم كحلة ولبانة دى وقت العجين تعمل عيانة ..
وما يعجبكش قصتها ولا كحلتها دى وقت الخبيز يا لخمتها.

لو كـانوا الرجـالة بشنباتهـم.. لـكان الصـرصار اجــدعهم.

الــعيـلة اللــى مــفيهاش صـــايع .... حــقها ضــايع.



قليل الاصل لا تعاتبه ولا تلومه ،
ده زى البقعه لا يطلع برابسو ولا بأومو.









منقول