‏ بسم الله والصلاة والسلام على رسول الله
السلام عليكم ورحمة الله وبـركاته
(متنسوش تردوا السلام)

ازيكم يا شباب عاملين ايه ؟؟
إن شاء الله يكون الجميع قرأ الحلقة الاولى ..

سلسلتنا هى رحلة الى العالم اللى كتير مننا نسيه وغفل عنه
العالم الآخر اللى احنا عايشين فى الدنيا وخلقنا من اجله
ونسانا الشيطان والدنيا والنفس الأمارة بالسوء الهدف الحقيقى من الحياه
وشغلنا بحاجات بلا قيمة وكمان هتوصلنا الى اننا نكون مخلدين فى النار والعياذ بالله
انتم عارفين الأنسان اتسمى انسان ليه ؟؟ لأنه كثير النسيان
لذلك لابد من اننا نتذكر دائما الهدف الحقيقى من حياتنا
وهو اننا نعمل تعمير وتنوير قبرنا وآخرتنا بالاعمال الصالحه

وإن شاء الله ده الدور اللى بتسعى السلسلة بفضل الله ورحمته انها توصله

بس أهم حاجة اليقظة ..
لو صحينا من النوووم والغلفه العميييقة اللى احنا فيها
وعرفنا ان احنا ماشيين غلط .. وجرس الأنذار بتاع قلبنا ضرب
وقالك احذر انت ماشى فى الطريق الخطأ

يبقى حققنا اهم واول خطوة فى الطريق
اننا نرجع ونحط نفسنا على اول الطريق الصح اول خطوة على طريق النجاه

فى الحلقات الاولى من السلسلة عايزين نأخذ بيد بعضنا
من عالم الدنيا والماديات والشهوات إلى عالم الحياة الحقيقة
اللى المفروض على كل مسلم انه يحضر نفسه ويجهز الزاد ليها

تكون بمثابة الصفعة اللى تفوق قلوبنا من الغلفة اللى فيها
عشان بعد كدا يكون متيقظ لأى كلام جاى ..

...

عشان لما يأتى احدنا الموت ميندمش ويقول
رب ارجعون لعلى اعمل صالحا فى الدنيا
يارب رجعنى اصلى ركعه او اسبح تسبيحه او حتى اصلح الذنوب الجارية اللى انا عملتها
اقفل موقعى او منتدايا اللى كان مليان اغانى وافلام وصور لفنانات ..
امسح من ع الفيس بوك صور البنات والاغانى والكليبات ..

{ حَتَّى إِذَا جَاء أَحَدَهُمُ الْمَوْتُ قَالَ رَبِّ ارْجِعُونِ{99} لَعَلِّي أَعْمَلُ صَالِحاً فِيمَا تَرَكْتُ كَلَّا إِنَّهَا كَلِمَةٌ هُوَ قَائِلُهَا وَمِن وَرَائِهِم بَرْزَخٌ إِلَى يَوْمِ يُبْعَثُونَ}

من ورائهم برزخ الى يوم يبعثون يعنى حاجز يصدهم عن الرجوع للدنيا مرة اخرى

يعنى هى فرصة واحده وهتندم لو ضيعتها

استغلها .. لانها لو راحت مش هترجع .. فيه ناس بتندم دلوقتى وبتتمنى انها تكون مكانك

استغل فرصتك دى واستغل شهر رمضان .. وادعى لربنا يتقبلك من التائبين

اسمع بقلبك



هنمشى إن شاء الله مع بعض فى رحلة للدار الحقيقة

هنصحى قلوبنا ونفوسنا ونوقظها من غفلتها .. قبل فوات الأوان

هناخد مع بعض جولة لمشاهد حقائق غابت وغفلت عنها قلوبنا

بسبب غيوم المعاصى والشهوات اللى غطت عليها ..

نسأل الله ان يطهر قلوبنا من الذنوب ويفيقنا من غفلتنا

ويرشدنا للصراط المستقيم ويثبتنا عليه
...

نتقابل إن شاء الله فى الحلقة الجاية ..

ياريت كلنا نساهم فى توزيع اللنكات ..








منقول