بسم الله الرحمن الرحيم
السلام عليكم ورحمة الله وبـركاته

كل سنه وإحنا من الله أقرب ..

إن شاء الله تكون سلسلة مباركه وتكون سبباً فى كسر الحاجز بيننا وبين ربنا
واول خطوة على الطريق الصحيح بإذن الله تعالى وبحوله وقوته وحده لا شريك له

خلونـا نسأل سؤال يا جمـاعه ..
ليه احنا كدا ؟؟
ليه متعلقين تعلق شديد جدا بالدنيا
وبالشغل والفلوس والحبيب والخروجات والفسح والسهرات
متعلقين بالأغانى والمسلسلات والأفلام والمسرحيات والفيس بوك

طيب فين ربنا من حياتنا ؟؟
احنا مسلمين ازاى ؟؟ مسلمين بالأسم فقط ؟؟
طيب ايه الفرق بيننا وبين الكافر وعابد البقر والتماثيل ؟؟
ان ربنا خلقه كافر وخلقك مسلم
يعنى حتى كونك مسلم من غير ما يكون ليك يد فيها
يعنى لا فارق ..

فين بئى شكر نعمة الإسلام ؟؟
فين حق ربنا عليك ؟؟

عايز تخش الجنه ازاى ولية وبأى أمارة يعنى !؟؟


تعالوا نعيش مع كلام ربنـا أفضل كلام ممكن يدخل القلوب
تعالوا نتابع الآيـات الجميله والجامعه ..

{ وَذَكِّرْ فَإِنَّ الذِّكْرَىٰ تَنْفَعُ الْمُؤْمِنِينَ( 55 ) وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ( 56 ) مَا أُرِيدُ مِنْهُمْ مِنْ رِزْقٍ وَمَا أُرِيدُ أَنْ يُطْعِمُونِ( 57 ) إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ( 58 ) فَإِنَّ لِلَّذِينَ ظَلَمُوا ذَنُوبًا مِثْلَ ذَنُوبِ أَصْحَابِهِمْ فَلَا يَسْتَعْجِلُونِ( 59 ) فَوَيْلٌ لِلَّذِينَ كَفَرُوا مِنْ يَوْمِهِمُ الَّذِي يُوعَدُونَ ( 60 ) }الذاريـات

- التذكرة للمؤمنين : لاحظ ان ربنا أمر الرسول بتذكرة القلوب المؤمنه وليس الكفـار !
دا معناه ان حتى القلوب المؤمنه محتاجه لتذكره من وقت للتانى ..

- سبب خلق الجن والأنس : آيه فيها الخلاصة .. ربنا لم يخلقنا عشان نلعب ونعد ع الفيس
ونكلم بنات او نكلم ولاد ع النت وفى الجامعه ولا عشان نسافر ولا عشان نتمتع بالمحرمات
ولا حت عشان نشتغل وننشغل بالفلوس ربنا خلقنا عشان نعبده
وقالنا فى الآيه اللى بعدها انه مش محتاج مننا رزق او طعام !!
بالعكس ربنا هو الرزاق ذو القوة

وأخيراً لابد ان نتذكر الآخره ونتذكر الموت ونترك الدنيا وشهواتها
ونعلق قلوبنا بالآخره ونتذكر الموت فى كل وقت وحين


عارفين اية اخر اية نزلت من القرآن الكريم ؟؟
الآيه دى ..

{وَاتَّقُواْ يَوْماً تُرْجَعُونَ فِيهِ إِلَى اللّهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ }البقرة281


حاسين بالمعنى الرائع من الآيات ؟
معنى يخوف ويرهب ..
كلام يضرب بمطرقة الترهيب على القلوب اللى اصبحت كالحجارة او اشد قسوة


هى دى الخلاصة ..
احذروا من الله وتذكروا اليوم اللى هترجعوا فيه لربنا
وهتلاقوا جزاء اعمالكم ..

فعايز تكون اخرتك كويسه ومصيرك للجنه .. اصلح اعمالك فى الدنيا
واذا عايز تكون اخرتك صعبة وكلها عذاب واهوال ثم تلقى فى النار للأبد .. تمتع فى الدنيا براحتك ومتراعيش حرام من حلال

..

ربنا يشرح صدورنا للإيمان وللطريق المستقيم
ودعواتكم بالهدايا والصلاح


وياريت الناس توزع اللنكات

واذا فيه اى ملاحظات ع الموضوع او اضافات او خطأ ياريت تبلغوا بسرعه


بالنسبة للردود فيه ناس بتلاقى الردود صفحتين او تلاتة او عشرة بتكسل تكتب ردود
والله بجد ردودكم مهمة جدا وبقرأهـا كلهــــــــــا مهما كانت الصفحات كتير ..










منقول