نكت جامدة طحن على الصعايدة

( الزعل مرفوع )







مقاول جاب مجموعة من الصعايدة علشان يبنو كنيسة وطبعاً عارفين الصعايدة بيحبوا الغنا وقت الشغل قعدوا يغنوا هيلا هيلا صلوا على النبي المقاول سمعهم قالهم هاتخربوا بيتي مش معقول تبنوا كنيسة وتغنوا صلوا على النبي غنوا اي حاجة تانية تانى يوم سمعهم بيغنوا هيلا هيلا بص على الحيطة بص للحيطة لقاه مكتوب عليه صلوا على النبي



واحد صعيدي شغال في السعودية بعت لأمه كيلو شيكولاته فاتصلت عليه وقالتله الصابون اللي بعته بيوسخ الهدوم



اتنين صعايدة عاوزين يشربو سجاير ومش معاهم قالو ندخل ميتم بيوزعو سجاير هناك دخلو قعدو جمب واحد فى الصيوان بيدخن
قال الاول : انفاس معدودة
وقال التانى : كلنا لها
رد الراجل : محدش واخد منها حاجة



ثلاثة صعايدة قرروا يعملوا مزرعة كتاكيت فحفروا حفرة ورموا فيها الكتاكيت وقفلوا الحفرة وأستنوا يوم وماطلعتش شجرة الكتاكيت عملوها تانى
ومنجحتش فقررو أن يكلموا أخوهم بيدرس في أمريكا و يحضر الدراسات
العليا فقال لهم ابعتوا لي بعض العينات من التربة



الموساد قرر أنه يشغل جاسوس صعيدى عنده بعد طول بحث أستقروا على هريدى راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب
يقولك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى ..
فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الداسوس .. هو ساكن فى الدور الرابع



مرة اتنين صعايدة بيلعبو شطرنج الملك مات مشلول



اتنين صعايدة يلعبوا الشطرنج فقال الأول : قتلتلك الحصان فأستأذنه الثاني شوية ورجعله قال : سممتلك البهايم كلها



واحد صعيدي بيلف علي اكشاك السجاير يقول للبياع بتعرف تتكلم انجليزي يقوله البياع....لا ....يروح لغيره ويكون نفس السؤال ونفس الاجابة لغاية اما وصل للكشك الاخير قاله بتعرف تتكلم انجليزي قاله ايوا قاله كويس قوي اديني علبة مارلبورو



مرة واحد صعيدى اتخانق مع ابوة فسبلة البيت ومشى ابوة قالة رايح فين مردش علية وقام
موقف تاكسى وركب السواق قالة على فين قالة إذا كان مقلتش لابويا هقلك انتا



واحد صعيدى عينوه مدير ملجأ أيتام اول قرار اخده اجتماع لأولياء الامور



سألوا واحد صعيدي : مين أهم الشمس ولا القمر رد : القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ



واحد بلديتناقاعد في موتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه
فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه
فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول



واحد كان كل يوم يطلع نكت على الصعايدة
سافر السعودية يعمل عمرة ويتوب لربنا
وهو واقف قدام الكعبة
سأله واحد صعيدى
هى القبلة منين ؟؟
قال الراجل شوفت يارب
هما اللى بيستفزونى