سمعت أو قريت ع الفيس من واحد هو مش صعيدي بيقولي بقى انتي صعيدية؟؟!!
قولتله ايوة و افتخر فيها حاجة دي
راح قالي ااااااااااااه بقى انتو اللي عايزين تعملوا دولة تانية

ايييييييييه
دولة تانية
مين اللي قالك الكلام دة
راح قالي اه و الله الصعايدة عاملين حملة مع ساويرس انهم يعملوا دولة تاني
رديت عليه قلتله يطلع مين سي ساويرس دة ان شاء الله
و هو مين اللي اداله الحق انه يتكلم باسم الصعايدة
فراح رد
و قال
ما انتو اللي عايزين كدة عايزين تعملوا زي السودان
انا عن نفسي مستحملتش
قولتله على فكرة احنا مصريين رغماً عن انف اي حد و اللي يقول الكلام دة عبيييييييييط
سواء من الصعيد او براه
انا مش عارفة دول عايزين يعملوا فتنة بين المصريين زي ما عملوها مع السودانيين و لا ايه
المهم بعد دة كله
يقولي انتو اساسا مش تبع المصريين
قلتله نعم و حياة مامتك
احنا مصريين غصب عن عين اي حد و وطنيين جداً
و اللي ميصدقش يشرب من البحر
اما لو في فعلا صعايدة عايزين يعملوا دولة تاني
احب اقولهم حضراتكم روحوا دوروا على دولة بعيد عن مصر و الصعيد برئ منكم ليوم الدين

و انا قدامكم صعيدية جدااااااااا و بحب ام الدنيا بلدي مصر و كان نفسي انزل مظاهرات 25 يناير انا دعيت لها من الانترنت بس لكن اهلي موافقوش اني انزل
احنا وطنيين اة بس معنديناش حرييييييم تنزل مظاهرات

المهم عايزة اسمع تعليقكم في الكلام دة

تحياتي لكم
اختكم علطووووووووووول

بنت سوهاج(feryal khaled)