1 - تالتة ابتدائى

سايبها بقالى دلوقتى حبيبتى سنين
كانت حلوة أنا فاكر و بضفرتين
و قولت الدنيا مش ممكن هتجمعنا
و أدينى بشوفها بالصدفة و ليا نصيب

و أنا تلميذ و أنا فى تالتة أبتدائى زمان
و حبى فى قلبى أنا ليها زى ما كان
أنا أدامها حسيت أنى مكبرتش
و هى زى ما هى و أحلى كمان
...
كان ما فيها كان بينا زمان حكايات
و ليها لحد دلوقتى معايا حاجات
صورها معايا من أيام و أنا صغير
و جواباتها اللى أنا حافظها و مبنساهاش






2 - كنت عايشة

قبل منك كنت عايشة عشان مكنش بإيدى أموت
كنت نادر لما بضحك ضحكة و أسمع ليها صوت

كنت حاسة حياتى ملهاش أى قيمة
كل حاجة بشوفها بقت عادة و قديمة
كنت واحدة كل أحلامها فى حياتها
نفسها م الدنيا لو تطلع سليمة
...
قبل منك قلبى عمره ما حس أبدا بالأمان
كنت حاسة بروحى واحدة ملهاش مكان
...
راحوا منى ناس كتير الدنيا أخدتهم خلاص
مش فاضلى بعدك أنت فى الحياة يا حبيبى ناس






3 - قلت يمكن

أنا قولت يمكن واحدة غيرها بالكتير تشبه لها
بجد ما أتمنيتش أشوفها ساعتها زى ما شوفتها

ولا حتى بعد ما قربت معرفتهاش أتغيرت
سايبها أحسن من كده كتير زمان
مبقتش زى ما سيبتها زعلان عليها و منها
كان نفسى أقول كانت حبيبتى ف يوم زمان
...
حاجات كتير عرفت قيمتها لما راحت منها
ما هى ناس بتغلط غصب عنها و ناس تجيبه لنفسها






4 - لو رحنا فين

لو رحنا فين ملناش مكان غير حضن بعض
أزاى هنبعد و أحنا لينا كتير فى بعض
ما أحنا اللى بينا فى قلبنا لو حتى فات مليون سنة
فى الدنيا مين هيفرقنا عن حضن بعض

تعالى نعيش حبيبى أنا و أنت فى الجنة
تعالى نعيش مفيش ولا حاجة تمنعنا
حرام علينا نسيب دقيقة فى عمرنا
...
أنا مستحيل يبقالى غيرك تانى حلم
و مش هيبقى فى قلبى بعدك ناس أهم
ده أنت اللى باقى ليا أنا قلبى مالوش عنك غنا
من يوم ما شوفتك و الحياة دى بقالها طعم






5 - مع نفسى

مع نفسى بفتكر اللى فات و أندم عليه
و ساعات كتير بتمنى لحظة فى حضنها
خايف يقولوا الناس عليا جراله إيه
مش ده اللى كان بيقول هعيش من بعدها

مش قادر أنسى حتى ولا عامل ناسيها
و إن جت سيرتها بقول و عينى دموعى فيها
لا منى قادر ع البعاد ولا منى بنسى
عايش منايا بصدفة لو تجمعنى بيها
...
على ذكرى بينا من زمان لسة بعيش
و هموت عشان خاطر ف يوم أرجعلها
ليا فيها و لا حتى إن كان ماليش
يفضل فى قلبى ليها عايش حبها
...
مفيش مكان روحناه زمان و ماروحتهوش
سألت عنها ناس كتير من وقتها
اللى عارفه و اللى حتى معرفوش
من تحت بيتها بعدى و بسأل عنها






6 - إختارى انتى

إختارى أنتى يا أحبك يا أموت و أنا دايب
فى حبك يا نبقى حبايب
يا جمبك أكمل عمرى يا قمرى يا سايبة على مشاعرى علامة
إختارى أنتى يا أحبك يا أموت و أنا دايب
فى حبك يا نبقى حبايب
يا جمبك أعيش حكاياتى يا كل حياتى أستنيتك ياما

كلام عينيكى أحلى كلام سلام إيديكى أجمل سلام
قدرتى تخطفينى و أوام و نجحتى بجدارة
جريت على أهلك و جيت حلمت يجمعنى بيكى بيت
مكنش ده موضوع بسيط لكن عشان خاطر عينك
ما تيجى تعالى مسافر ليالى محدش هيسعد حياتك بدالى
...
حوالينا لمة و ناس كتير مـ الفرحة قلبى قرب يطير
و ربنا يتمم بخير مبروك بقى علينا
مكنش يخطرلى يوم فى بال أعيش و ألاقى بنت الحلال
حبيبتى تسمحيلى بسؤال معقول بقينا لوحدينا






7 - كله بيهون

كله بيهون و الحياة أهيه مستمرة
ولا عمرها الدنيا وقفت ع اللى راح
مضطر أعيش أحنا الحياة بنعيشها مرة
فى الدنيا مين قلبه محسش بالجراح

ده أنت متأخر أوى بانت حقيقتك
قلبى عمره مكنش متخيل قساوتك
أنا كنت فاهم ولا قلبى خدعنى فيك
و النهاردة عرفت بس أنى أكتشفتك
...
أيام بالكتير صدقنى و أنسى
طب قولى هفتكرك ف يوم بإمارة إيه
إن كان فى قلبى حاجة ليك دلوقتى لسة
دلوقتى لاذم قلبى يقوى ف يوم عليك
...
لسة سرحان بالساعات و بتفتكرنى
نفسك ف صدفة لو ف يوم تجمعنى بيك
معدتش حاجة تفرحك فى البعد عنى
مش لاقى روحك و الحياة فضيت عليك






8 - لينا فى بعض

لينا فى بعض نصيب أنا و أنت متستبعدش نتقابل
بلاش على بعض نتكلم مفيش ولا حاجة تستاهل
الدنيا قالوا صغيرة و حياتنا فيها قصيرة
حد عارف مش بعيد نتلاقى بالصدفة فـ مكان

خلينا لو يومها أتقابلنا مندراش من حاجة بينا
لأن يوم ما نلاقى بعض نفتكر أيام زمان
...
سيبنا نعيش و ف قلبنا يفضل حكاية حب عيشناها
بعدنا صحيح لكن برضه قلوبنا لسة جواها
كان اللى بينا كبير أوى لو حتى كنا بعيد أوى
أحتمال لو كان بسيط نرجع نعيد تانى اللى كان






9 - فكرك أيه

فكرك إيه هو مفيش غيرك ع الأرض
ولا قالولك أنى أنا لسة بفكر فيك
أنت مصدق متهيألك ولا بجد
بيجاملوك الناس يا حبيبى و ضحكوا عليك

أنا مـ الأول كنت كتير على واحد زيك
لو مجنون مش هتمنى فى يوم أرجعلك
أيوه غلطت لكن مش هغلط تانى خلاص
أستغنيت عنك و عقلت و مش محتاجلك
...
أنا من يوم ما بعدنا نسيتك و ما صدقت
و أتعودت خلاص من غيرك أنى أعيش
مش مستحمل حد يجيب سيرتك دلوقت
و مش مشكلتى أن أنت فاكرنى و منستنيش






10 - الموضوع وما فيه

شوف من غير ما ألف و أدور أنا بحبك و بيك راضى
و لو منامتش عينى شهور عشان سهرانة بتنادى
براجع نفسى طول الليل أقولك ولا مأقولشى
فى حاجة بتقبل التأجيل و حاجة متقبلشى

الموضوع وما فيه إن هواك أنا خدت عليه
صعب عليا أعيش غير بيه و أعمل إيه
...
تعرف لما شوفت عينيك فى أول مرة بصيتلى
فرحت و روحى راحت ليك و قولت الدنيا ضحكتلى
أتارى أنا عمرى قبلك قال خلاص خليك بقى معايا
بجد ده مش كلام حكايات ده أحساسى اللى جوايا