1 - أدامى

أدامى طول عمرى قصاد عينى اللى بحلم بيه
أدامى من بدرى مفكرتش فى حبك ليه

بقالنا سنين بنتقابل و مش فاكرين
هييجى اليوم نكون عاشقين
و فاهمين أننا أصحاب
بقالنا سنين بشوف مرة كل يومين
و كنت أنا و أنتى مش عارفين
هنبقى أنا و أنتى يوم أحباب
...
أدامى أحلامى و كنت ده كله مابشوفهاش
حبيبتى أنا آسف دى غلطة بجد مقصدهاش






2 - مفاضش بيا

مفاضش بيا بس أنا قربت أمل
غلطة واحدة و تقضى ع اللى فى قلبى ليك
أنا مش قليل الحيلة ولا طيب و سهل
و مستحيل تجرحنى و أتفرج عليك

حبى ليك مش حاجة بتقويك عليا
ولا فى حياتى أقبل أنى أعيش ضحية
مش بحاول أهددك بس أنت عارف
يا حبيبى أسهل حاجة فى الدنيا الأذية
...
بدال متاخد فرصة منى خدت ألف
و ياريت بتفهم أن ده من حبى ليك
بس أنت فاكر أن طولة بالى ضعف
بكرة هتعرف لما أضيع أنا من إيديك






3 - مش كداب

أنا مش كداب و أسأل 100 مرة
سحرك غلاب عدى بلاد برة
أفتحلى الباب و كمان بالمرة
وارب الشباك كده هتريحنى
هات ماية معاك عطشان أفتحلى
خايف لساك أمتى هترتاحلى

أنا عايزك كده مشغول مش سائل فيا يا واد
علشان أفضل علطول واخد وضع أستعداد
للى أنا هعمله وياك وياك مش هبقى ملاك
ما خلاص العين عشقاك و العين مضطرة
...
علطول غلطان و فاضلك واحدة
و أعمل زعلان و أمسك ع الوحدة
يرضيك سهران من واحدة لواحدة
علشان بداديك تعمل كده فيا
طب مرة عليك و الباقى عليا
ماشى هوريك و الأيام جاية






4 - ناديلى

أنا جيتلك هنا لوحدى و حنيتلك
و بكرة الوقت يثبتلك بحبك أد إيه و بهواك
مجبتش حاجة من عندى ده إحساسى
فى بعدك روحى بتآسى ما برتحش إلا و أنا وياك

ناديلى قلبك أعرفه و أكلمه و أفهمه
إن العيون دى بيخطفه و بيسحروا و بيشغلوا
ناديلى حتى أشهده على كل يوم بيك بحلمه
على كل وعد أنا بوعده و عشان غرامك هعمله
...
أنا جيتلك و جوايا حنين زايد
حبيبى ده ربنا رايد أقابلك يبقى بينا ميعاد
مفيش ولا نجمة فى سماها بنور ضيك
من الأخر مفيش زيك و لو لفيت بلاد و بلاد






5 - حصل خير

حصل خير و هعديهالك ده اللى بينا كبير
ما أنت عديت لى يا حبيبى كتير
يعنى أنسى أنا مش زعلان
ده وياك أنا عيشت سنين طويلة و أنا معاك
و أزاى فى يوم و ليلة أنا أنساك
حتى لو قلبك غلطان

حصل خير ماتنسى عشانك قلبى حب و عاش
ألوم ليه عشان إيه أنا عارفك متقصدهاش
...
ما تحكيش متقولش كلمة واحدة خلاص عيش
ده أنت بس اللى ليا و أنا ماليش
إلا حبك و إلا هواك
حاسس بيك و عشان كده مش بساهل عليك
و هعيش العمر كله و أموت ليك
و أنسى إن فى يوم إنساك






6 - فقت متأخر

مشيت وياك طريقى و كنت حالف أكمله
مجاش على بالى خالص اللى كنت بتعمله
صغرت فى عينى أكتر م اللى كنت أتخيله
فهمت إن اللى بينا ده كان غلط من أوله

أنا فقت متأخر لقيتك هادم اللى بانيه
و ياريتنى كنت أقدر أسامحك بس هعمل إيه
خليتنى مستخسر أعيشلك حتى لو ليومين
أنا كنت مستنى تشيلنى جوه حضن عينيك
و طلعت بتخونى و لسة عايزنى أبقى عليك
الغلطة مش منى و محدش عارف الخير فين
...
معاك غمضت عينى و كنت ماشى بنيتى
ليه أستخسرت فيا أشوف فحضنك فرحتى
ياريت ترتاح و تهدى عشان خلاص من ناحيتى
هعيش بعدك و أكمل أيوه همشى فى سكتى






7 - هخاف من إيه

هخاف من إيه و أفكر ليه ما أنا لقيتك و قلبى أرتاح
خلاص يا عذاب قفلنا الباب مفيش م اليوم ده تانى جراح

من تانى هعيش عمرى أنا من تانى
ليالى حبك و خدانى كفاية أكون وياك
من تانى هعيش عمرى أنا من تانى
حبيبى مهما هيجرالى ليالى عمرى معاك
...
فى حضن عينيك بسلم ليك و بنسى حبيبى كل الكون
مفيش أحزان مفيش أنسان يفرق بينا مهما يكون
...
عمرى بين إيديك بعيشه حبيبى من جديد
وربنا قرب البعيد يبقى أخاف من إيه






8 - هتفرق إيه

هتفرق إيه لو من حياتى أنا شيلتها أو كنت لسة بحبها
ما أحنا اللى كان بينا أنتهى مشينا و خلصت المواضيع
هتفرق إيه أهيه حاجة ضاعت زيها زى اللى ضاعت قبلها
و أكيد هعيش من بعدها خلاص مبقاش فيه وقت يضيع

أغلى منها يا ناس و راحوا من إيديا
و بأمانة مش هتيجى عليها هيا
الدموع من إمتى بتجيب اللى راح
مش هبص ورايا أبدا م النهاردة
أى جرح مصيره فى الأخر بيهدى
كل الناس بتتألم عشان ترتاح
...
هتفرق إيه و أزاى طريقى هكمله لو جرحى ده أستسلمتله
ده المستحيل أنا هعمله عشان مضعفش زى زمان
هتفرق إيه ورا ضهرى هرمى الذكريات كل اللى فات هعتبره مات
و زى ما هفتكر أوقات هنسى بنعمة النسيان






9 - يخليك ليا

روح ربنا يخليك ليا و يحلى صورتك فى عينية
أنا فين هلاقى الحنية اللى أنت جيت و أديتهالى
روح ربنا ما يوم يبعدنى عنك يا من روحى واخدنى
بالدنيا إيه هيعوضنى لو سيبتنى حتى ثوانى

ده أنا بفهمك من نظرة عين من غير كلام بعرف قصدك
فى البعد عنك هرضى بمين أنت اللى فى القلب لواحدك

حاجة بهواك أنت عاملها مش هقدر أوصفها و أقولها
جمبك حياتى هكملها أهوه ده اللى أنا ممكن أقوله
شوفت الغرام شوفت عمايله و اللى الزمان كان لينا شايله
قلبى الهوا كان مش طايله أحساسى بيك وصلهوله






10 - إتفضل أمشى

إتفضل أمشى روح على قلب غيرى تجرحه
مش أنا اللى يحب حد و حد غيرى يضيعه
الأحسن كل واحد فينا يرجع مطرحه
ما طلع صح اللى ياما كنت عنك بسمعه

بتحب تعيش لنفسك بس غيرك مش مهم
بتشوف تملى روحك اللى أبقى و الأهم
عندك أنانية زيادة و كل مادى بتعلى فيك
بعد اللى حصلى منك لومت نفسى و قولت عيب
أنا راحتى فى بعدى عنك بالسلامة مفيش نصيب
فرصة سعيدة أنى شوفتك و أتعرفت خلاص عليك
...
وياك أنا بختى مال و قلبى شال من ناحيتك
فاتت أيام طوال و المشكلة غاب حلها
نفسى أسألك سؤال طب هى فين حنيتك
ولا معندكش منها أصل خلصت شكلها






11 - مش بمزاجك

بحبك يعنى مش بمزاجك حبيبى بجد أنا محتاجك
ده أنا أحلامى بيك كملتها
بقولهالك بكل صراحة أنا جمبك بحس براحة
و مليون حاجة حلوة بحسها

عمر ما حد هياخدك منى ولا هسيبك يوم تبعد عنى
ده أنا وجودك جمبى مطمنى هقولك بس إيه
الجنة اللى حلمت أنا بيها و الفرحة اللى أنا مستنيها
و أنت فى حضنى خلاص بلاقيها هفكر تانى ليه
...
غرامك ليا عدى طموحى و جمبك بنسى نفسى و روحى
عشانك أى شئ أنا هعمله
تصدق باللى يوم جمعنا بقى لأيامى شكل و معنى
كأن العمر لسة فى أوله






12 - جيتلك

جيتلك فاكر إنك لسة زى زمان
آسف جدا شكلى غلطت أنا فى العنوان
لا عينيك نفس عينيك ولا عارف فيك ألاقيك
هو فيه إيه بيفضل على حاله يعنى مجتش عليك
...
مش ندمان علشانى خسرتك و أندم ليه
مبقاش فاضل منك اللى أتعلق بيه
اللى قصادى خيال لحبيب مبقاش موجود
طيب ليه أندم على حاجة مبقاش ليها وجود






13 - مليش دعوة بحد

مليش دعوة بحد ولا بعمل حساب للناس
مادام عدى الصعب يبقى السهل جاى خلاص
أبعد معقولة هى حبيبى هى ناقصة جنون
لا أنسان ولا جن يبعد بينا مهما يكون

قالوا عليك بكرة تنسى و أشوف على إيديك جرحى لسة
و قالوا كلام بس مضايقنيش
كلام و أتقال زى بعضه و قلبى معاك عند وعده ده لو أنساك
صعب ليلة أعيش
...
مين هيخاف من حبيبه ينساه يوم
أو يسيبه حبيبى أزاى أنسى روحى أزاى
حبيبى خلاص أنت منى كلام الناس
مش هاممنى هعيش وياك كل عمرى الجاى