كلمتين وبس

**afifi mustafa** · 29-11-2009, 12:51 AM

انا فايز هوا فايز مين لنصر العربى عايز
مين يقول ضعفنا قوة مين بيفرح بالجنايز

نفسى اكملها بس مش قادر ومش عارف ليه

عفيفى

**وردة الايمان** · 29-11-2009, 01:05 AM

المشاركة الأصلية كتبت بواسطة afifi mustafa

انا فايز هوا فايز مين لنصر العربى عايز
مين يقول ضعفنا قوة مين بيفرح بالجنايز

نفسى اكملها بس مش قادر ومش عارف ليه

عفيفى

تعرف يا عفيفى انت مش عارف تكملها ليه ..

لانك ترفض ما يحدث بين دولتين تجمعهم اخوة العروبه .

ترفض ان يكون هناك فائز وخاسر لأننا للأسف جميعا خاسرين .

لايوجد فائز عفيفى فيما يحدث وقد يكون هناك فائز ولكننا لا نعرفه .

وفى النهايه ..لا أحد يفرح فى الجنائز ابدا .....الا....

من كان السبب فيها ..

وانا على استعداد لتكملتها اذا اردت ذلك .

ولكننى سأكملها بأمل ان ينتهى كل شىء قريبا ويعود تماسكنا ( وان كان ضعيفا ) . وتعود قوميتنا العربيه . سأكملها بأمل وروح جديد . بأصرار على تخطى هذه الازمه ..( المفتعله )
والعوده ....الى الحب ...والاخوه الحقيقيه .

**afifi mustafa** · 29-11-2009, 01:20 AM

الله يبارك فيكى يا وردة والله العظيم وانا بكتبها عارف انى مش هقدر اكملها لوحدى
انا نفسى تكتبى اللى جواكى فيها وكمان نفسى كل واحد سواء كان مصرى او جزائرى او عربى
مخلص لعروبيته يكملها معايا ونا انتظركم جميعا

عفيفى

**وردة الايمان** · 29-11-2009, 07:52 PM

انا فايز هو فايز مين لنصر العربى عايز
مين يقول ضعفنا قوة مين بيفرح بالجنايز

مين يهنينا فـ فراقنا .....مين اللى فرحه فـ دموعنا .

مين ينسينا جذورنــا .......مين لجرح قلوبنا عايز .

لا أنا اللى فايز ....ولا انت فايز .

قوم يا عربى ليه تنسى أصلك ...دانا لو اتجرحت هينزف دمك .

يلا وشيل القســـوة من قلبك ....وخللى دايمـا عدوى ...عدوك .

واوعــى فـ يوم تدخله بينا ....وتقول دا عرف فى الصلح جايز .

لا انا اللى فزت .....ولا انت للأسف اللى فايز .

اتمنى ...يا عفيفى انى اكون قدرت اكمل المعنى اللى انت قصده ..

على العموم هى مجرد محاوله لتكملة ما لم تستطيع تكملته ..

واتمنى ان تزول هذه المحنه قريبا ان شاء الله ....

**afifi mustafa** · 29-11-2009, 11:45 PM

انا فايز هو فايز مين لنصر العربى عايز

مين يقول ضعفنا قوة مين بيفرح بالجنايز