بصوا بقي قبل اي حاجه
والله والله انتوا وحشتوني كتييييير
بقالي كتير مش نزلت حاجه وقولت ارجع بقي اكيد انا كمان وحشتكوا
المهم بقي احنا طبعا شعب زي الثكر ومحدش يقدر يقول غير كده
بس علينا شويات حاجات كده غريبه هقول شويه صغيرين منها
^_^

مواطن المصري هو دائمـا صاحب السبق في كل العادات والتقاليد منذ قديم الأذل
--------------------------------------------------------------------------------------
- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد.

- بيحط الريموت كونترول في كيس بلاستيك كعادة فرعونية قديمة.

- يقف يتكلم على الباب نص ساعة بعد إنتهاء الزيارة والسلام.

- لمّا تفتح نملية المطبخ هتلاقي عنده عشرين برطمان بتاع مربى فاضيين بقالهم سنين ومازال مُصِر على جمع المزيد.

- ييجي بعد معاده بساعتين ويفتكر إن ده عادي ،،
لا بالعكس ساعات كمان يقول للتاني انت ايه اللي جابك بدري.

- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه ،،
على اساس ان المسافة بينهم كبيرة يعني.

- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال.

- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش وعنده مبدأ عجيب
( مفيش حاجة بتترمي ).

- بيفرش ملاية سرير على طقم الأنتريه عشان يفضل نضيف لما ييجي ضيوف وما بيشيلهاش لما ييجوا.

-واحلي حاجه بقي انه السنه كلها عندوا عيد
يعني لو شافك في اي يوم من السنه يقولك كل سنه وانت طيب

بس بردوا احنا زي الثكر
عاوزه ردود كتير بقي لحسن مش ادخل تاني وتفتقدوني تاني