دافعى عن نفسك بحجات وبطرق سهله

بصوا بقى يا موزز وقمرات بما اننا بقينا فى زمن صعب والستات بقوا هدف سهل محدش بيخاف منهم ولا عليهم فى الشوارع الايام دى واى مجرم مبقاش بيهمه حاجه لان اخرهم الصراخ وده امره سهل يكتمه بإيده او بمنديل ويكتف الواحده مننا وخلصت وفى الهند فى عملية اغتصاب كل نص ساعه !!!:wacko:
وفى مصر صعب تحصى بدقه لان مش الكل بيبلغ وكذلك باقى الدول العربيه
بس لا تعالو ناخد موقف ونقول لا
لا للسكوت ولا للاستسلام ولا للخوف ولا للضعف والله لا يضيع اجر من احسن عملا
واحنا هنحسن عملنا ونتعلم كويس ازاى ندافع عن نفسنا وشرفنا

بسم الله نبدأ:ag:
اول واهم اهم حاجه انك تمسكى اعصابك وتثبتى وتقولى يارب لان الرعب والهلع هيضيعوكى وبلاش تستنفزي طاقتك فى الصراخ لو حسيتى انه مش هينقذك او محدش سامعك

ثانيا لبسك هيدافع عنك
مش قصدى الاحتشام لان ده شئ مفروغ منه ولو انه مبقاش رادع لكن قصدى ايه فى لبسك ينفع يبقى سلاح سريع

مثلا:
* انك تضربى بكعب حذائك على رأس المختطف
* وكذلك الضرب بالشنط بينفع برضه ولو عرفتى ترشى فى عينه اسبراى او برفان اعمليها
* والجديد بقى وده للمحجبات فقط هو دبوس حجابك ايوه اخلعيه بسرعه واضربى فى اى مكان حساس حتى لو فى عينه إلهى ما يشوف بيها تانى ومتخافيش واظن ده اسرع واسهل حاجه بقى
:ranting:
ثالثا إديله علقة موت بحركات سهلة بس تكون سريعه وقويه
ايوة اهم حاجه ان الضربه تكون بكل قوتك وبمنتهى السرعه وإلا هتبقى زى قلتها لان الست عمرها ما هتتفوق على قوة الرجل الجسمانيه إلا بالمباغته وفى ناس بتقترح انك تحسسيه بالامان ثم تفاجئيه بضرب سريع وقوى لتجنب اى رد فعل منه ودى المناطق الحساسه فى الجسم واللى تنهى المعركه لصالحك احفظى كويس
:shisha:
1) اضربيه فى عينه
2) اضربى فى الرقبه عند منطقة التجويف تحت تفاحه ادم وده يؤدى للاختناق او لفى ايدك حولين رقبته واضغطى بكل قوتك
3) اضربى فى اسفل القفص الصدرى عند اول المعده
4) اضربى بين رجله ودى الضربة القاضيه
:chair:
كان فى صور وزعتها اليابان على الستات عشان يدافعوا عن نفسهم انا منزلتهاش لاختلاف المقاسات فوصفتها حرفيا

1)اضربى بقوة براسك فى الحجاب الحاجز "فى الصدر يعنى "وممكن بإيدك:11xing:

2)وانتى بترفعى راسك اضربى ذقنه بنفس القوة وبأقصى سرعة تقدرى عليها

3)ستجديه بدأ يترنح ويتألم ألحقيه بسرعه بضربه بكل قوتك بين رجله

4)ستجديه يتشنج من الالم وينحنى لا أراديا ويضع يده مكان الضربه ودى فرصتك أمسكى راسه واضربيها فى ركبتك بقوة قد ما تقدرى من المرات

5) اضربى بكوعك على ظهره بين كتفه سيقع على الارض

6) اركليه برجلك فى كل مكان فلن يقاوم حتى لو وقفتى واطنطتى عليه
عامليه معاملة المرتبة التاكي وخدي راحتك في التنطيط عليه

7) ممكن تثتغيثى بحد او تطلبى الشرطة تنجدك!!! ده لو لسه عايش ههههه او تهربى وتروحى بيتك وتصلى شكر لله

و كفاية تعرفى ان اللى بيخطف واحدة غالبا بيقتلها بعد كده عشان ماتتعرفش عليه ولو سابها عايشه بتبقى نفسيا ميته وحياتها ادمرت يبقى ياروح ما بعدك روح مبقاش الموضوع يحتمل
تردد ولا خوف ولا كسل

واذا فضل فيه نفس ممكن تسحبيه علي القسم يادوب يدفنوه:clap_1:
بس نصيحة مش تقولي للظابط تعدي علي انثي بعد كل اللي عملتيه هيتقبض
عليكي انتي بتهمة البلاغ الكاذب او انتحال صفة انثي:biggrin23: