السلام عليكم ورحمة الله وبركاته ..
عمرو موسى رئيسا للجمهورية بين مؤيد ومعارض ..
بغض النظر انت مؤيد او معارض لان ربنا يوم القيامة مش هيسألك انت كنت مؤيد ولا معارض
ربنا هيسألك لي كنت معارض او لي كنت مؤيد
ودا السبب اللي خلاني افتح الموضوع ان الكثير مننا مجرد ما سمح عمرو موسى قال ايوة ايوة هو دا اللي هيصلح البلد وكتير بردو قالوا لا .. طب لي اه ولا لا ؟؟؟؟؟؟؟؟؟

كلنا طبعا عارفين ان د.عصام شرف كان وزير النقل في حكومة نظيف لمدة سنة تقريبا والسؤال لي مكملش ؟؟ وازاي اتخلى عن االمنصب ؟؟
د.عصام شرف قدم طيلة السنة اللي كان فيها خطط كتير للتنمية ومعالجة مشاكل كتير في مجال النقل ومشاكل حوض النيل
لكن للاسف كانت بتترفض دايما ... وبعد حادث القطار سنة 2005 قدم استقالته .

طبعا الكل مستغرب اي علاقة د.عصام شرف بعمرو موسى
بس دا نموذج بسيط اوي د.عصام لما شاف الظلم على مرأى ومسمع من العالم كله ومقدرش يغير في حاجة استقال لانه معرفش يقدم حاجة في وسط الفساد من كل الاتجاهات ...

اما عمرو موسى فاصلا محاولش انو يقدم حاجة ولو قدم حاجات كتير فكلها بتخدم النظام الدليل على كدا انو ساب الوزارة بس عشان يبقا امين للدول العربية وكلنا بالتأكيد عارفين انو منصب زي دا في الظروف الاحنا كنا فيها لن يشغله الا شخص مبارك موافق عليه لانه وزير خارجية عنده .!! ومبارك اللي معينه .. !! وامريكا واسرائيل طبعا ليها الرأي الاول والاخير ..

عمرو موسى اللي كان بيقول لو مبارك نزل في الانتخابات انا هصوتله لانه رجل بيدير البلد بنظام ..!! هو دا النموذج اللي احنا عاوزينه رئيس لينا . !!؟؟ وهو حكم مبارك هو دا النظام في رأي عمرو موسى ؟؟
ودا الفيديو وفي كلام اكتر بكتييير من اللي قلته ..

او الفيديو دا



‎* تعرفوا وقت حرب غزه (الرصاص المصبوب ) كان عمرو موسى بيعمل ايه بيكرم الفنان كاظم الساهر

كتاب لسفير إسرائيلي يكشف أبطال التطبيع بالأسماء والأفعال: أولهم عمرو موسى!
http://www.almokhtsar.com/news.php?a...show&id=125402


مراسلة «المنار» رفضت أن تسلم علي عمرو موسي بيدها.. فرفض أن يتحدث للقناة
http://www.almasry-alyoum.com/articl...rticleID=99298

عمرو موسى اللي صرح يوم 17 مايو وقال لن امس اتفاقية كامب ديفيد
ويوم 20 ابريل يقول اتفاقية كامب ديفيد انتهت
http://www.maannews.net/arb/ViewDetails.aspx?ID=388377
تصريحين متناقضين بالمرة ياترى دا لمصلحة ميين ؟؟



و يا ترى هو دا النموذج اللي الشهداء ماتوا عشان يحكمنا ؟؟

شاركونا في نشر الحقيقة .. من هنـــــــــــــــــــــــــــــــــا