بياخد بس


اللى يحب مصر يزرع فيها ورده

بياخد بس.. وبيبخل ومابيديش..
بياخد يرتوى ويشبع ومابيرويش..
لا راضى يحس.. وبيسمع.. ومايقوليش..
ولا كلمه.. تريحنى ..وتفرحنى.. كأنى رخيص..
وكل الغالى قدمته.. وفهمته.. انا بكلمه..
ابيع نفسى.. عشان نفسى.. احب بجد.. مش قسمه..
واقدم حبى..للى بقلبى.. وبيا يحس..
وحبيته .. وهنيته.. بس خساره ..
بياخد بس..

خافى شعوره.. مش بيقوله.. ومحسسنى الحب خطيئه..
وانا بتمنى.. وتبقى الجنه.. احسه عايزنى كل دقيقه..
نفسى فى ضمة حضن بريئه..
لمسة ايد مع نظره جريئه..
كلمه تخلى الحب حقيقه..

واسمع صوته بيحكى الحب..
اصل سكوته بجد دا صعب..
بيخوف ويخلى القلب.. يقوللى دا وهم ماينفعكيش..
لانه بياخد ولا يديش..
نهر حنان بيمر فى قلبى.. بس خساره مابيرويش..
حب جميل واكمنه مخبى.. كل مشاعره مابتقضيش..

مش ف حسابه.. يشغل قلبه بأى عواطف..
ركنه وسابه.. مش محتاجله وفين لو صادف..
واكيد شكله.. حب بعقله..مش بيورط قلبه وخايف..
لايكون بس بيتهيأله.. ان الحب كلام ف شفايف..
مش احاسيس..
بتخلى اللى يحب يعيش..
وبيتعلق ولا يرميش..
وبينطق ولا بيخبيش..
مش زيك يا حبيبى مافيش..
وبقيت تاخد ولا تديش