شوية صبر

اللى يحب مصر يزرع فيها ورده

شويه صبر ياربى شويه صبر..
شويه صبر أستحمل مرار الغدر..
وألاقى شىء يصبرنى لطعنة قتل..
من اللى عشقته وظلمنى خيانه وغدر..
ونفسى أبعد ولا أرجعشى من الأول..
لقلب لما يتمكن ..بيتحول..
يفيدنى بأيه.. هواه يطّوّل..
أنا مش صخر ح أتحمل..
وأعيش راضى بذل آساه..
شويه صبر ياربى وأنا أنساه..

أنا محتاج دموع تجرى تشيل من عينى طيف صورتك..
أنا محتاج أفوق وحدى وأسحب نفسى من صدرك..
انا محتاج أشوف بُعدى لراحتك..ولآ ح يهدك..
مدام رافض أكون حضنك..
وحارم قلبى من ودك..
وتاعب روحى من صدك..
يفيدنى بأيه أكون حابك..مدام بايع ومتغير..
وليه أبقى على حبك..وحالك حال وبيحير..
وعمرى معاك بقا قصير..كلامك حتى متغير..
شويه صبر ياربى شويه صبر..
أكمل بعدوا لو لسه يكون فيه عمر..
شويه صبرأتحمل آسيه وغدر