سلام عليكم


مبدئيًا دي تانى قصة ليا ف القسم ..

يارب تكون حلوة وتعجبكـوا

كالعاددتي ف القصص هنتعرف علي الأشخاص من القصة

ونقـول بسم الله الرحمن الرحيم



الحلقة الأولي .. عنوانها (( يارب أستر ))

فى مكان غريب .. في بيت صغير اوي .. عايش فيه ام وبنتها ووحش معاهم .. :biggrin23::biggrin23:

فى أوضة صغيرة داخل منها شعاع شمس ..
هي : انا زهقت .. والله زهقت من كل القصص .. والله بجد زهقت .. يعنى انا بهرب من الخناقات الى مع بابا وماما للقصص .. ومالاقيش حاجة عدلة ..؟! .. طيب .. ايه دا انا معرفتكمش عليا
أعوذ بالله من كلمة انا .. انا ريم .. فى ساتة إبتدائي .. آه انا صغيرة بس اتعلمت كتير من الدنيا دي .. أتعلمت ازاي اجرح وازاي اخون وازاي اغدر .. ببساطة دي الحجات الى اتعلمتها لإني مخرجتش من البيت دي ابدًا .. وكمان بهرب من الدنيا لقصص الغدر والخيانة .. لسه ملقتش ف الدنيا حاجة اسمها .. ح .. ب .. مش عارفة أنطقها لإني لسه معرفتهاش .. يلا ربنا يستر .. هاروح أشوف ماما بتعمل ايه

وراحت ريم تشوف مامامتها بتعمل ايه ..

ريم : كالعادة ماما قاعدة بتعمل الأكل لبابا وأصحابه .. تعرفوا انى اواقات بقول .. " حسبي الله نعم الوكيل منك يابابا .. ربنا يووريك ع قد مابتورينا " اه والله انا مخنوقة ومغلولة منو اووي .. لإنه اساسًا .. مش عارفة اقول ايه .. بس هو معيشنا ف .. معيشنا ..؟! .. دا هو مش معيشنا اساسًا .. يلا ربنا يهــدي .. مامتي دي تعتبر شايلة حملي .. انا الوحيدة معنديش اخوات .. وماما لما بشكلها وبحكيلها .. بحس انها مش ناقصة .. كفاية الى بابا موريهولها .. وكفاية الى هي شايفاه من الدنيا .. ماما دي ربنا يكون في عونها بجد ..
نتكلم عن بابا شويه وانا عارفة اني مش هكمل دقيقتين وهتلاقوني شتمته .. دا واحد اناني مش بيفكر غير ف نفسه وبس .. بمعنى الكلمة ياجماعة .. والله العظيم مش بيفكر غير فى نفسه وبس .. انا بجد مش عارفة هو عاش ليه .. دا مفيش ركعه بيركعها لربنا .. حاسه انو بقي كافر والله .. معلش معلش ربنا لسه موجود وربنا بيهدي

ماما : ايه ياريم بتكلمي نفسك ..؟!
ريم : وانا من امتى ياماما مش بكلم نفسي .. ماما هو انا ممكن أسئلك سؤال ..

ماما : أسألي ياحبيبتى

ريم : عمرنا ماهنخرج من المكان دا ..؟!

ماما وهي باصه فى الأرض

ريم : ولو حتى وهو بره ياماما ..!؟ .. ياماما حرام بقالي اكتر من سنتين مخرجتش انا كده هموت والله

ماما بسرعة اووي : ألف بعد الشر عليكي ياريم متقوليش كده ياحبيبتـــــــ ..

وفجآآآه الباب خبـط .. خبط ايه .. دا الباب كان بيترزع .. وانا ماما خفنا ودخلنا فى حضن بعض .. بس ماما قالتلي

ماما : ريم ادخلي الأوضة بسرعة

ريم : لا مش كل يوم ياماما مش كل يوم انا عايزة أقف معاكي ولو لمرة واحدة

ماما بإنفعال : انا قلت أدخلي جوا يابنت

ريم بخوف : ياااااااااااااارب أستر ياااااااااااااااارب ..




ونكمل الحلقة الجايه .. دي حته صغننه اووي لغاية لما أكمل القصة بقي