خلاص زهقت
لسة تانى هتعتذر ؟؟؟
ما فات الوقت ....
وخلاص زهقت .....
---------
قلت غلطة .... وحلفت
وبقلبى الطيب سامحت
ورجعت تانى ... وكدبت
وفات الوقت...
وخلاص زهقت..
--------
كل مرة أخر مرة
دلوقتى بقوا مليون مرة
انا مش هسامحك بالمرة
ما فات الوقت
وخلاص زهقت
--------
أنانى ف قربك وف بعدك
مين قال أنى هموت من بعدك
ابليس من كدبك بقى عبدك
وفات الوقت
وخلاص زهقت
--------
مين قال أنى هتوه برحيلك
ودموعى هتغرق مراسيلك
مراسيل كدبك تحكيلك
انت اللى بدأت
وخلاص.......... زهقت
-------
مبلاش تفتح مواضيع
بعد ما كشفتك
مين قالك انى راح أضيع
التزم الصمت
خلاص زهقت
-------
هى كلمة وبصراحة
فى بعادك حسيت بالراحة
وقلبى طابت جراحه
ومنك ارتحت
وخلاص زهقت
-------
لن ابالى باى شىء لن ابالى
صورتك لو مرت بخيالى
لو شفتك بتموت قبالى
هقول .... ريحت
مش فات الوقت ؟؟؟
وخلاص.... زهقت !
-------
ليه مش حاسس انى كرهتك
ومش عايزة تانى اسمع سيرتك
خيانتك دى كل موهبتك
وانا ..... اتاكدت
وخلاص زهقت
--------
ما خلاص
انسى اللى كان
ما قناعك سقط
ووشك بان
ولما شفته ... وقف الوقت !
وخلااااااااااااااص .......... قرفت
اسفة .. قصدى زهقت .......... ؟؟؟؟؟؟؟؟
رد مع اقتباس
رد: خلاص زهقت
المفضلات