ارجوكم ساعدونى يا بنات ... ضرورى قوووى وبسرعة

[ميادة المصرى]

انا جديدة في اكتوبر ... لسة اول شهر لية .
وعندى بنوتة هتدخل kg1 السنادى ولما جيت اسال لها على مدرسة لقيت اغلب المدارس خلصت تقديم
في قدامى مدارس محدودة ... وللاسف كلهم عاملين لية وش في دماغى مبقتش عارفة في الكويس وفين الوحش
كل شوية الاقى تضارب اراء عن المدارس
ياريت تقدروا تفيدونى في الموضوع دة وبسرعة علشان ملاقيش الوقت عدا وملحقتش اقدملها في اى مدرسة وتضيع عليها السنة
انا طبعا بتمنى مدرسة تكون اسلامية مش ازهرية
لقيت مدرسة اسمها (مهارات سوبر جلوبل) ودى انترناشيونال وسيمى انترناشيونالومكانها في زايد
دى الوحيدة الاسلامية بس لما كلمتهم محدش فادنى باى معلومة ولو حتى بسيطة جدا. وقالولى كل اللى عاوزة اعرفة اسالة للمديرة يوم المقابلة اللى لسة هيحددوة
فية كمان مدرسة (جيل 2000)
وكمان مدرسة (بايونيرز) اللى قدام دريم لاند
وكمان مدرسة (نيو مانور هاوس) .. بس سمعت ان اغلبها اقباط
وفية ( سيتى )
وفية ( طيبة انترناشيونال )
ياريت حد يفيدنى بس بسرعة قوووووى

[nogafoda]

السلام عليكم
اولا اهلا بيكي في اكتوبر
بصي يا ستي كلنا دخنا السبع دوخات علشان المدارس دي
بس وصلنا لنتيجه واحده ان كله زي بعضه
مش فارقه كتير
انا وديت ولادي زايد وبعدين ام المؤمنين وبعدين دلوقتي هما في القوميه
وبصراحه هي احسن الوحشين
وانتي عمرك مهتلاقي اجماع علي مدرسه من كل الناس
لكن في رويال انترناشونال -وقصادها مدرسه النيل
دول سمعتهم كويسه
وفي القوميه زي ماقلتلك كويسه برضو
وفي بقي الهدي والحصري دول لو عايزه مدارس ازهريه
وفي الخليل لسه جديده بس بيقولو عليهاكويسه
وربنا يوفقك ان شاء الله

[خلود]

شكرا لمتابعتك لنداء الاخت مياده يانوجا

وردك على استفسارها

جزاكى الله خير يانوجا

وربنا يوفقك للاصلح لاولادك مياده واهلا بيكى ويانا فى منتدانا الجميل

[ميادة المصرى]

اشكركم اخواتى الكريمات على اهتمامكم وربنا يباركلى فيكم
وانا فعلا مبسوطة انى جيت اكتوبر لان فيها ناس جدعان زيكم
شكرا يا نوجا ويا خلود