حصريا للقهوه .. الحلقه 16 من مسلسل الكبير قوي ..




خطر على بالي النهارده - وانا باخلص الحلقه ال15 من الكبير قوي- ايه اللي هيجرى في الحلقه رقم 16 والحلقه رقم 17 الى اخر الحلقات .. الكبير قوي شدني جدا جدا .. وفعلا حسيت بمتعه غريبه وانا باتفرج عليه ... ده خلاني امسك القلم النهارده واتخيل هيعملوا ايه في باقي الحلقات .. الموضوع مبني على فكرة جديده .. ارجو ان ينال اعجابكم









مشهد ( 1 ) نهار داخلي .. دوار الكبير قوي



الكبير ينزل على سلم الجزء الخاص به من دوار الكبير ... يتمطع بشده وبعد التمطيعه ينادي : واد يا فزاع .. انتا يا جالوس الطين

يظهر فزاع .. مرتديا بنطلون جينز وتي شيرت وكوتشي وعلى كتفه البندقيه الميري : اوامرك يا كبير

الكبير ينظر له باستغراب ودهشه : وه وه وه ايه الطين ديه .. لبسك الوطني فين يا دزمه ... خلعت الدلبيه والعمه ليه ... طب والله لامسكك السلك عريان ... ( مناديا ) يا اشرف

فزاع بخوف : اسف يا كبير .. معلش جنابك ... اعمل ايه .. ما هو جوني بيه هو ال....

يقاطعه الكبير والتوعد ينط من عينه : جوني ايه

فزاع بخوف بردو : ب ...ب... اسف جنابك

الكبير وهو يعدل عبائته : مالو جوني الزوفت ده

فزاع فاشخا حنكه : منع الناس تلبس دلاليب جنابك

الكبير : كيف يعني

فزاع : قال جنابك انو عيب يبقى العمده في بلد كلاتها لابسه دلاليب .. واننا لازمن نساير مركب التطور

الكبير ضاربا كفا بكف : وهو التطور ميجيش الا بالجينز

فزاع : : جوني بيه قال لازمن نسايرو التطور .. علومه بقى يا كبير

الكبير : علومه ..!.!.!.! يعني كيف دي

فزاع :يعني ... يعني الدنيا كفر صغير جنابك

الكبير :بقى الدنيا كفر صغير .. اكده لاس فيغاس اخر الشارع ولندون اول عطفه بعد الغرزة .. عليه كلام الواد المخبوط ده

يتمشى الكبير صوب الباب لكن فزاع يقف امامه مانعا اياه عن الخروج .

فزاع : سايق عليك النبي يا كبير ما تخرج

الكبير : بتمنع مين انت يا هتيره .. اوعى لحسن اطخ الجينز اللي انت لافحه على كوارعك ده

فزاع : جوني بيه مانع ايتوها حد من الخروج بالدلابيه .. اصدر بيان بكِده . واللي

عيلبس دلابيه ويخرج بيها عيكبوا عليه بويا حمرا

الكبير : حمرا دي تبقى ... اخفى عني الساعه دي لاحسن امسكك السلك عريان

فزاع : يا كبير

الكبير : خيارة وقطمها جحش








مشهد ( 2 ) نهار خارجي .. خارج الدوار



الكبير يفتح باب الدوار بحذر وخوف .. ينظر يمينا ويسارا وفوق وتحت .. يتسحب حتى يصل الى الدرج – السلالم يعني – يصطدم باشرف مرتديا بدله اسموكن وببيون ازرق وقبعه حمراء

اشرف : رايح فين يا كبير

الكبير : وه وه وه .. حتى انت يا اشرف

اشرف :انا ايه يا كبير

الكبير : ايه اللي عاملو ده

اشرف : العمده دوني وتحكماتو يا كبير

الكبير : عمده على نفسو .. اكده بردو يا اشرف .. اخفى عني لامسكك العمومي عريان

اشرف : معلهش يا كبير .. خش الدوار

الكبير : اخش فين يا مركوب انت .. هتحبسني ياك .. طب والله لازريطها عليك .. اخفى عني دلوكيت .. اخفى

اشرف : اوامر العمدة دوني .. اللي عيلبس دلابيه عيتكب عليه بويا حمرا

الكبير : وه وه وه .. الاهلي فوق الجميع ولا ايه ..هو مالو قلب على اهلاوي اكده

يحمله اشرف ويلقيه امام باب الدوار ... ثم يتناول علبه دهان وفرشاه تتساقط منها قطرات الدهان الاحمر

اشرف : اخر انذار ليك يا كبير .. لحسن ..

الكبير : لحسن ايه يا هتيرة

تتجمع مجموعه من الاشخاص يلبسون عفريته حمراء ملطخه بالدهان .. ينظر اليهم الكبير بخوف .. محاولا اكل اظافره متسائلا : مين .. مين دول يا استاذ اشرف

اشرف : دول شله نجاشين جابهم العمده دوني عشان الجانون الجديد عشان اللي يخالف

الكبير : عيتعمل ايه في اللي عيخالف

يرفع العمال رولات تتساقط منها قطرات حمراء ويهنفون في نفس واحد : عيبقى لونو احمر






والبقيه غدا