صباحو تهييس على أحلى اعضاء في اجمل منتدي
انا النهاردة جايبة لكم قصة حب عنيفة بين احلى كابل فى الدنيا
 هى:اسمها نوسة وعايزاكم تسمعوها للاخر
 هسيبكم معاها دلوقتى

 نوسة:الحكاية ابتدت لما اتخطبت لشاب زى الفل
 وابتدت بينا قصة حب انما اية بقى
 لا تقولى روميو وجوليت ولا حسن وعزيزة
 لأنها كانت أحلى قصة حب فى محل كشرى
 "نوسة وبيومى"

 اسمعوا حكايتى للآخر قبل ما اموت روحى من الاكل
 اصل انا عندى اكتئاب بيجيلى بعيد عندكم بفجعة افضل اكل ..اكل..لحد ما افرقع
 واتعظوا قبل ما اخلص على اكلى قصدى على نفسى إهئ إهئ إهئ


 ياما "بيمو" جاب لى ورد بلاستيك فى "الفلانتين" ياما كان بيرن عليا وانا اتصل وعلى طول من غير رصيد!

بصراحة هو شاب محترم وما عندوش لوع زى شباب اليومين دول ماعندوش لف ودوران ما عندوش وقت يضيعه فى المشى مع البنات لأنة طول الوقت بيدور على شغل!

 ما عندوش شقة يتجوز فيها ما عندوش شبكة يقدمها لأى واحدة ما عندوش شعر فى راسه اقرع يعنى ما عندوش غراميات قبل كدة عشان مستقيم ما عندوش غير350 جنية مصرى فط لا غير

محوشهم جبنا بيهم دبلة محفور فيها اسمى ما عندوش يا عينى أم ماتت والحمدلله بس عنده اخت يتفاتلها بلاد!


 والحق يتقال عمره ما دخل عليا بإيده فاضية مرة لب أبيض
 ومرة لب أسمر ومرة كيس شيبسى ولبانوكلب ما يطلبه الاطفال
 عمره ما كان بخيل بالعكس
 ده كان إيحة إيدة مش طايلة
 غير شنطتى كان بياخد حساب كل حاجة بيجيبهالى ويقولى احنا واحد يا "نس نس"
 أقولة ازاى يا "بيمو"؟ يرد بنظرة ساحرة -وغالبا بتكون عينه معفنه من كتر العماص اللى فيها علشان مكانش بيغسل وشة ولا بيعرف الصابونة غير فى المناسبات-
 وبربشة عابرة وشوية سهوكة:اصل احنا جسدين بروح واحدة!
 هو الوحيد اللى كان بيعرف يثبّتنى ويسرح بيا كنا ماشيين حلاوة بالعيش الفينو


 وفجأة
 الساعة اتنين إلا تلت الضهر بعد خطوبة عمرها 5 سنين يقولى"عفوا لقد نفذت طاقتى"
 وحوّل على فيلم الخطايا:إنتى مش خطيبتى يا نوسة على حتة من فيلم حب فوق هضبة الهرم:وقام قايلى:مش عايز اظلمك معايا أكتر من كدة شوفيلك حد غيرى قبل ما العمر يجرى بيكى
قلت له:ليه يا عنيّا هو انا لسة فى كى جى تو؟ انا عديت التلاتين
وانت داخل ع الاربعين
 وعايز تنزلنى على جنب؟؟ إنت مش شايف إن الطريق واقف؟؟؟


 بصراحة الراجل أخلاقه ماسمحتلوش ينزلنى
 قصدى يسمع الكلام الجارح ده ويسكت، سابنى، ومع أول بنت حلوة أغنى منى،وعندها شقة
وعندها شبكة وعندها فلوس فى البنك
 وعندها وظيفة فى شركة أبوها
وعندها أطفال، يعنى مش هيبذل مجهود فى حياته
 قالى هودعك آخر وداع......وانا لسه بحبه إهئ إهئ إهئ

 وهى دى قصة حب "نوسة وبيمو" اللى انتهت نهاية ماساوية زى كل قصص الحب العنيفة اللى احنا شفناها قبل كدة رايكم يهمنى جدا



وشكـــرا كتير

كنزى والحب

لنها ساعدتني في القصــهـ