الموضوع غريب ومش سهل
هوه موقف وعاوزاك تحط نفسك فيه
تخيل نفسك قاعد في بيتك وجاتلك اختك وقالت لك انا بعيش الفتره دي قصه حب مع شاب ومعجبه بيه جدا
انت ساعتها حتعمل ايه ؟؟؟؟
حتسمع كلام نفسك اللي حتقول انت راجل انت...ده انت مفيكش ريحة الرجوله....ازاي تسيب اختك كداا
وساعتها حتقوم تسحبها من شعرها وترزعها القلم التمام وتجري على والدك تقوله اتصرف مع بنتك....البنت حتضيع
ولا ساعتها حتهدى اوي وحتفكر اوي وتكتم غيظك وتحاول تعرف الهدف من العلاقه دي!!!
وممكن حل تالت انك تسيبها بس تعمل حصار فظيع عليها و تحاول انك تبعدهم عن بعض مهما كانت النتيجه
انا عاوزاكم تحطوا نفسكم بجد في الموقف وتقولولى رد فعلكم ايه
والكلام ده مش بس للولد انا عاوزة اعرف رأي البنات كمااان بما ان الموضوع يخصكم وانتوا جزء اساسي منه....انتوا يابنات شايفين اخوكم المفروض يتصرف ازاي
وكمان انتو لو مريتو باى قصه حب
ممكن تروحى تقوليله
مستنيه اراء ومشاركات