بسم الله الرحمن الرحيم
ازيكم عاملين ايه

ندخل في الموضوع

انا عارفه ان الموضوع ده بيعني لبعض الناس ولا حاجه بس بيعني ليا انا كتير اوي هو الغربة عارفين يعني ايه الغربة ياللي اعدين في مصر عارفين بتحسوا بأيه وانتو برا مصر وانتو بعيد عنها عارفين لما تلاقي نفسك مولود في بلد محدش يعرفك فيها عارفين لما تحصلك مناسبة ومحدش يجي يبركلك قيها عارفين لما تتغرب عن بلادك عشان حاجه تافهه موجوده في بلدك بس بلدك مش عيزاهلك عارفين لما تيجي تروح المدرسة ويكون لك اول يوم في عمرك تدخل مدرسة وتلاقي نفسك تايه وكل اللي حواليك عارفين بعضهم عشانهم من نفس الجنسية عارفين لما تحسو بالذل والقهر والذل و انتو بعيدين عن بلادكو عارفين لما تيجي واحدة مواطنة واحنا عايشين على ارض واطنها وتيجي تقول لواحدة وافدة بلانا دي ليه جايين عارفين لما تروح مكان ويفضلو الاجنبي عليك عارفين لما مايكنش ليك حق في بلادك عارفيين لما تلاقي ابن بلدك عدوك في الغربة عارفيين لما تيجي بلدك يعملوك كأنك واحد غريب عارفيين لما تكون بلدك في ثورة ونفسك ومنى عينك تدخل الثورة دي وتموت على الاقل تبقى في بلدك تموت على ارضها شهيد عارفيين لما يكون ملكش حق في التعبير عن رأيك في بلدك وبلد غيرك عارفيين لما ميكنش لينا حق في الانتخاب او حتى سياسة بلدنا عارفيين لما تلاقي ناس بنروح لبلادك كم مرة في السنة وانت يدوب بتلاقي نافسك رايح لها كم مرة في حياتك كلها وحتى لما تيجي تعد هما يدوب يومين وترجع لبلد الغربة عارفيين لما تيجي تقول لواحد عايش فيها انك متغرب عن بلادك يجي يقولك ماتخدني معاك عارفيين بتحسوا بأيه ساعتها عارفيين لما تلاقي في كتاب التربية الوطنية والاجتماعيات جملة"الحد من العمالة الوافدة" عارفيين يبقى اصدهم على مين عارفيين لما تلاقي نفسك ملكش صوت ولا حد من ولاد بلدك اللي عايشين فيها يقول فين حق الناس اللي في الغربة عارفيين لما تيجي لابسط الاشياء تدور في بلد غيرك عن فول ولا كشيري ولا كاسة قصب عارفيين لما تلاقي غيركو بيتكلمو عن بلادك بطريقة وحشة وتيجي انت تدافع عنها يعملولك مليووون قضية وفي الاخر لما يوصل لاهلك يقولولك دي مش بلادنا يعني مينفعش نتكلم فيعها كل ده واهلك مصريين طيب قولولي نتكلم فين في بلادنا اللي لما نيجي نتكلم ولا نقول كلمة كأننا مش موجودين واما نيجي نسمع كلام عننا اول جملة نسمعها "انتو معاكو فلوس" وهو بالعكس احنا اللي عايشين برا بنتعب اكتر من اللي عايشين جوا احنا طلعنا برا بلادنا برا مصر عشان ملقناش حت تلمنا وعشنا برا عشان لقينا احتيجتنا بس بزل و بلدي اللي بيسموها ام الدنيا ملقناش فيها اللي احنا عايزينو عارفين لما يكون عندك ميت بعيد الشر وعايز تسافر بلدك عشان تاخد عزاه تتزل من البلد اللي انت عايش فيها عشان بس يومين تروح تقضيهم في بلدك ولا لما يكون قريبك بيتجوز بردو بيزولوك ويقولولك متنزلش عارفيين لما تيجي احر يوم وانت مسافر تيجي تاخد معاك حبة رمل في كاسة وتلاقي غيرك بيقول عليك مجنون عارفيين لما ترجع البلد التانية بلد الغربة وتشم ريحة الرمل ده وعنيك تدمع عنيك عشان شوية رمل بين ايديك من بلدك اللي ملكش حق فيها عارفيين ولا مش عارفيين ما انتو في الاخر مسمينا مغتربين .