شبابيك الغربة (من وجدانيات المغتربين العرب)
قهوة عرب 00يسموها هنا كافيه
نتلم فيها كلنا00معرفش ليه
وكل واحد مننا 00 يحكيلنا أيه
عن عيلته عن بلده عن عيشته والغربة ليه
000
واحد يقول
في الغربة شباك اتفتح 00 أطل منه على بلدي
بعد الشقا في يوم غربتي00 أحط أيدي على خدي
أسرح وأفكر في السما00 وأدعي أجيلك يا ولدي
وكل منا له حبيب ذكراه00 تدغدغ مهجتي وخلدي
00
واحد يقول
يا شمس بلدي وحشتيني 00 ووحشني دفء الاهل والخلان
ووحشتني أمي وحضنها وأبويا00 لما يبرم شنبه كمان
وحشتني اختي وكمان اخويا00 واللعب على سلم بيتنا القديم فزمان
ووحشتني ساعة فطار رمضان00 والخشاف والبلح بعد الأذان
00
واحد يقول
قاعد لوحدي أشمشم على ريحة تشبه ريحك
أتمنى جلسة تضمنا الاقي نفسي فيها فريحك
على النيل في عشة قش أو خش ولا صفيحك
والنفس منى تهفني على أكلة حلوة من طبيخك
00
واحد يقول
أبن ناس أنا ومن مصر الجديدة
بس أبويا مش غني وكان على الحديدة
عصامي هوا بنى نفسه بعزم وهمة شديدة
بس خدنا وهاجر من مصر للأرض الجديدة
00
واحد يقول
أمريكا عايش والأصل قرضاجي عربي
الخضرا تونس بلدي ميتها تروي
على البحر لبيض شب لعيال شبر شبري
نفسي أرجعلك يا تونس ولو أسف التراب تبري
00
واحد يقول
كاليميارا بوناسيرا سنيوريتا
أتكلم طلياني أسباني بالعبيطة
توحشني تواشيح الحسين واللمة والزيطة
والأمام وشبرا والسيدة وامبابة والازريطة
رد مع اقتباس
المشاركة الأصلية كتبت بواسطة خلـود
المفضلات