لو فرق بيننا الزمان
لو فرق بيننا الزمان
أو باعد بيننا المكان
عمرى ما هانسى عمر كان
وهاشتاق لك شوق للحنان
يا إعصار اجتاح حبك أركان حياتى
يا أغلى أحلى أمنياتى يا ذكرياتى
احتويتك نبضة ما بين ماضى وآتى
كنتى حبى وأصبحتى إعلان وفاتى
حبيتك وعشقتك بضمير .. وعشقتك كما طفل صغير
وكتبت لك نبضات قلبى .. فى أغانى وتغريد عصافير
ورسمت لك ضحكة بطولاتى وأنا ليكى مهزوم وأسير
وعشقت انا فرح انتصاراتى .. وأنا قلبى مجروح وأسير
عيشتينى الساعة ف قربك .. ملايين السنين
دوقتينى الحب فى حبك .. ورموشك ساحرين
وقتلتينى ف ثانية بكلمة و زرعتى أحزان وأنين
بنفس حنانك ودعتينى وتركتينى لدمعى حزين
وقلبى الباكى .. لا ينساكى .. حتى لو أنكرتى هواكى
أنا مش هاشكى .. وروحى بتبكى .. لسه الروح وياكى
هافرح لو اعرف افراحك .. وبقلبى جراحك .. لا أنساكى
لسه أنا قلبى ملك ايديكى ..والروح حواليكى وبتهواكى
فرق كبير بين خير وشرور .. بين ضلمة ونور
فرحة وحزن ، دموع وزهور مسجون بلا سور
ضحكة وبسمة .. مع قلبى الباكى المكسور
موت وميلاد ولقاء وبعاد والغايب دايما معذور
يتحدانى العالم كله لما بأقرب من أسورك
وحتى انتى بتكوينى فى نارك ، مع أنوارك
قدرى ف حبك ان أحبك وردة فوق أشجارك
واعيش وحدانى مع احزانى وأتعذب بقرارك
مش راح يفرق مين الجانى ياحزن زمانى
يكفينى أعيشك ذكرى وأنا مقهور وجدانى
انتى نسيتى لكن قهر القلب ازاى ينسانى
وانا خطواتى بعدك تاهت حتى عن عنوانى
فاتت سنين .. ماتت أيام
يارحلة فى خيال الأوهام
ياوهم وعاش فى خيال الشاعر
حبك لسه ، جوايا حنين ومشاعر
وكلماتى عنك .. تنعانى
يا فرحة قلبى وأحزانى
يا حزن زمانى
رد مع اقتباس
رد: لو فرق بيننا الزمان
المفضلات